Lüterswil-Gächliwil

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Lüterswil-Gächliwil
Wappe vo Lüterswil-Gächliwil
Basisdate
Staat: Schwiiz
Kanton: Soledurn (SO)
Bezirk: Buecheggbergw
BFS-Nr.: 2456i1f3f4
Poschtleitzahl: 4584
Koordinate: 600021 / 21887247.1208367.438901582Koordinaten: 47° 7′ 15″ N, 7° 26′ 20″ O; CH1903: 600021 / 218872
Höchi: 582 m ü. M.
Flächi: 3.09 km²
Iiwohner: 330 (31. Dezämber 2012)[1]
Website: www.lueterswil-gaechliwil.ch/
Lüterswiu

Lüterswiu

Karte
Kanton Bern Lebern (Bezirk) Solothurn (Bezirk) Wasseramt (Bezirk) Aetigkofen Aetingen Bibern SO Biezwil Brügglen Gossliwil Hessigkofen Küttigkofen Kyburg-Buchegg Lüsslingen Lüterkofen-Ichertswil Lüterswil-Gächliwil Messen SO Mühledorf SO Nennigkofen Schnottwil Tscheppach UnterramsernKarte von Lüterswil-Gächliwil
Iber des Bild
ww

Lüterswiu-Gächliwiu (amtlich Lüterswil-Gächliwil) isch e Iiwohnergmein im Bezirk Buecheggberg im Kanton Soledurn, Schwiiz.

Geografi[ändere | Quälltäxt bearbeite]

Lüterswiu-Gächliwiu liit i re Hochuelde im Soledurner Mittuland. D Gmeindsflächi umfasst 61 % langwirtschaftlichi Flächi, 31,5 % Waud u 7,5 % Sidligsflächi.

Nochbergmeine si Biezwiu, Gossliwiu, Hessigkofe, Mülidorf, Ätikofe u Messe im Kanton Soledurn un Oberwiu im Kanton Bärn.

Gschicht[ändere | Quälltäxt bearbeite]

D Doppugmein Lüterswiu-Gächliwiu isch im Johr 1995 entstande us em Zämmeschluss vor Gmeine Lüterswiu u Gächliwiu.

Lüterswiu isch zum erschte Mou gnennt worde im Johr 1276 aus zu Lüterswyl (1369 ze Luterswile), Gächliwiu im Johr 1365 aus Gechlenwil.

Bevöukerig[ändere | Quälltäxt bearbeite]

Johr 1850 1860 1870 1880 1888 1900 1910 1920
Iiwohner 375 293 342 332 332 293 292 328
Johr 1930 1941 1950 1960 1970 1980 1990 2000
Iiwohner 317 288 317 330 317 322 359 371

De Uusländeraateil isch 2010 bi 3 % gläge.

Religion[ändere | Quälltäxt bearbeite]

82,5 % vo dr Iiwooner si im Johr 2000 evangelisch-reformiert gsii, 10,5 % römisch-katholisch.

Politik[ändere | Quälltäxt bearbeite]

Bi dr Nationalrootswaale 2011 hät s das Ergebnis gää: BDP 6,4 %, CVP 6,3 %, EDU 0,0 %, EVP 0,3 %, FDP 26,5 %. GLP 2,4 %, GP 7,5 %, SP 19,7 %, SVP 26,2 %, Suschtigi 4,6 %.

Gmeindspresidänt isch dr Beat Wehrle (Stand 2012).

Wirtschaft[ändere | Quälltäxt bearbeite]

D Arbetslosigkeit isch im Johr 2011 bi 1,5 % gläge.

Sproch u Dialäkt[ändere | Quälltäxt bearbeite]

Bi dr Voukszellig 2000 hei vo dr 371 Iiwohner 98,7 % Dütsch aus Hauptsproch aagää, 0,8 % Französisch, 0,3 % Italienisch u 0,2 % angeri Sproche.

Dr hochalemannisch Dialäkt vo Lüterswiu-Gächliwiu ghört zue dr Dialäkt vo dr Region Soledurn, wo ähnlich si zum Bärndütsch.

Fuessnote[ändere | Quälltäxt bearbeite]

  1. Statistik Schweiz – STAT-TAB: Ständige und Nichtständige Wohnbevölkerung nach Region, Geschlecht, Nationalität und Alter (Ständige Wohnbevölkerung)

Weblink[ändere | Quälltäxt bearbeite]

 Allmänd (Commons): Lüterswil-Gächliwil‎ – Sammlig vo witere Multimediadateie