Kubo-Futurismus

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Popowa: Sitzende wiiblige Akt, um 1914

Dr Kubofuturismus isch e Stiilrichdig in dr Bildende Kunst, wo sich z Russland in de Joor vor em Erste Wältchrieg entwicklet het. Drbii si d Erfaarige und Elemänt vom Kubismus und vom Futurismus mitenander verschmulze. Tüpisch für e Kubofuturismus isch, ass die geegeständlige Motiv in zilindrischi Formelemänt zerlegt wärde.

Zu de wichdigste Verdräter ghööre dr Kasimir Malewitsch, dr Iwan Puni, dr David Burljuk und d Ljubow Sergejewna Popowa.

Dr Nöi Kubofuturismus[ändere | Quälltäxt bearbeite]

Sit 1978 het dr italiänischi Muusiker und Mooler William Tode us Gonzaga in sine Bildwärk, Graphike und Skulptuure dr Kubofutorismus nöi ufgriffe und nennt sis künstlerische Wärk neo cubofuturismo (Dr Nöi Kubofuturismus) oder äifach cubofuturismo [1].

Liddratuur[ändere | Quälltäxt bearbeite]

  • Thomas Keith: Poetische Experimente der deutschen und russischen Avantgarde (1912–1922). Ein Vergleich. Weidler Buchverlag, Berlin 2005, ISBN 3-89693-440-6

Weblingg[ändere | Quälltäxt bearbeite]

Fuessnoote[ändere | Quälltäxt bearbeite]

  1. Die offizielli Website vom William Tode
Dä Artikel basiert uff ere fräie Übersetzig vu dere Version vum Artikel „Kubofuturismus“ vu de dütsche Wikipedia.

E Liste vu de Autore un Versione isch do z finde.