Konfessionelle Parität
Konfessionelli Parität isch de Uusdruck för e gliichberechtigti Machtuuftailig zwüschet verschidnige Konfessione oder Religione.
Schwiz und Tütschland [ändere]
I de Schwiz und z Tütschland isch noch de Reformation i gwüssne Gegete, wo konfessionel starch gmischt gsii sind, wie zum Biisbiil s Toggeborg, d Macht zwüschet de Katholike und de Reformierte paritätisch uuftailt wore. Die Parität isch noch em Driissgjöörige Chrieg vertraglich verankeret wore. Zum Tail hend d Dörfer denn zwoo Cherche ghaa, oder d Dorfcherche isch paritätisch vo baidne Gruppe bruucht wore. Im Toggeborg hets bis i d Sibezger Joor vom 20. Joorhundert Dörfli ggee, wo zwoo Schuele, zwee Beck, zwee Metzger etc. ghaa hend, wo denn jewils nu vo de Reformierte oder vo de Katholike bsuecht wore sind.
Libanon [ändere]
Im Libanon isch 1989/90 e paritätischi Machtvertailig im Parlament veriibaart wore, vorene isch e festglaiti Aazaal vo Vertreter vo de ainzelne muslimische und christliche Gruppe gsetzlich abgmacht gsii. Hüt gelt de Libanon as paritätische Staat.
| Dä Artikel basiert uff ere fräie Übbersetzig vum Artikel „Konfessionelle_Parität“ vu de dütsche Wikipedia.
E Liste vu de Autore un Versione isch do z finde. |
