Kleostratos von Tenedos

Us der alemannische Wikipedia, der freie Dialäkt-Enzyklopedy
Hops zue: Navigation, Suech

De Kleostratos vo Tenedos (agr. Κλεόστρατος ὅ Τενέδιος, Kleóstratos hó Tenédios) isch e Griechische Astronom gsii. Wen er glebt het isch nöd genau bekannt, aber wel de Thales vo Milet im Joor 545 v.Chr. uf de Insle Tenedos gstorben isch, nimmt mer aa, as de Kleostratos sin Schüeler gsii sii chönt und somit im 6. Jh.v.Chr. glebt het.

De Kleostratos het en astronomisches Gedicht, Astronomia, gschribe, doch sind nume grad zwai Versli bekannt:

Wenn de Bootes noch sim Spootufgang 83 Taag im Nachthimel verbringt, denn goot de Aafang vom Schkorpioo ide Morgedämmerig under, und zwor zäme mit de erste Sterne vom Bootes. (Ergänzt noch F. Boll)

Anderi antiki Autore seget vo im, as er as erste d Zaiche uf de Ekliptik erchennt hebi, und zwor zerst de Widder und de Schütz. Au heb er as erste die baide chline Sternli im Sternbild Fuermaa Gaissli (Haedi) gnennt.

De Censorinus schribt zudem, ases de Kleostratos gsi sai, wo d Oktaedris (de achtjöörig Kalenderzyklus) iigfüert hebi und nöd de Eudoxos vo Knidos. Er söll d Sunewendige am Berg Ida bobachtet ha.

Literatur[ändere | Quälltäxt bearbeite]

B.L. van der Waerden: Die Astronomie der Griechen (1988), ISBN 3-534-03070-2