Kanton Ausserschwyz

Us der alemannische Wikipedia, der freie Dialäkt-Enzyklopedy
Hops zue: Navigation, Suech
D Schwyz 1814–1847, d Kanton Usserschwyz isch as Äusseres Land iizeichnet

Dr Kanton Usserschwyz isch e Kanton in dr Schwiiz, wo vo 1831 bis 1833 bestande het.

Im Johr 1831 hai sich die drei Usserschwyzer Bezirk Vorder Hof (die hütig Ortschaft Pfäffikon), March und Eisiidle und der Bezirk Küssnacht vom Kanton Schwyz abgspalte, für zum en eigene Kanton z bilde. Dr Grund für d Abspaltig isch s Gfüehl gsi, ass si vo dr Regierig z Schwyz vernochlässigt wärde.

Em rästlige Halbkanton het me Innerschwyz gsait. Drzue hai näben em alte Landdeil au dr Hinteri Hof ghört, wo dr hütige Gmeind Wollerau entspricht.

D Dagsatzig het aber die Spaltig nit akzeptiert, und noch em Iimarsch vo de Schwyzer in Küssnacht het si 1833 d Wiidervereinigung vo de beide Halbkanton befohle.

Dr Hauptort vom Kantons Usserschwyz het abgwächslet zwüsche Lache und Eisiidle.

Erst 1848 het sich dr Hinteri Hof mit em Vordere Hof zum Bezirk Höf .