Kaf (Arabischer Buchstabe)

s Kaf i de isolierte Form

Kāf ( كاف ) isch de 22. Buechstabe vom arabische Alphabet und het de Zaalewert 20. Entstande isch er usem phönizische Kaph und drumm isch er verwandt mitem latinische K, em griechische Kappa und em hebräische Kaph.

Luutwert und Umschrift

S Kaf bizaichnet de stimmlosi velari Plosiv (IPA: /k/) und isch schwach bihuucht, es entsprecht em Hochtütsche "k" im Wort "Kaffee". I de DMG-Umschrift wer dr Buechstabe mit "k" transkribiert.

S Kaf isch e Moobuechstabe, da haisst de Artikel al- werd nöd assimiliert: al-kalb »de Hund«.

Graphischi Abwandlige

I de Persische Schrift werd s Kaf liecht andersch gschribe, zudem isch drus use no de Buechstabe Gaf gschaffe worde zum die stimmhaft Variante z bizaichne.

Unicode

Unicode Codepoint	U+0643
Unicode-Name	ARABIC LETTER KAF
HTML	ك
ISO 8859-6	0xe3

S persische Kaf bsitzt en eigene Code:

Unicode Codepoint	U+06A9
Unicode-Name	ARABIC LETTER KEHEH
HTML	ک
ISO 8859-6	nit vorhande