Juvente

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Faane vo dr Juvente Norwäge

D Jugendorganisation Juvente isch e Zämmeschluss vo junge Mensche im Alter vo 13 bis 28 Joor, wo sich drzue entschlosse hän, alkohol- und au sunscht drogefrey z läbe. Juvente isch konfessionell und parteipolitisch unabhängig und setzt sich für e Wält in Fride und Toleranz i. I de Juvente biete jungi Mensche Freizytgschtalltig immene alkohol- und drogefreye Umfäld a, in däm si sich frey empfalte könne und ärnscht gno wärde.

Juvente isch e Teil vo dr interationale Organisation IOGT und isch Mitglid im europäische Jugenddachvrband ACTIVE.

Zyl vo de Juvente[ändere | Quälltäxt bearbeite]

D Juvente het 3 Zyl: Fride, Fründschaft und Unabhängikeit. Si sind dr Meinig, das um s Zyl vom Fride z erreiche, d Unabhängikeit und d Fründschaft Grundvorussetzige sin.

Fride[ändere | Quälltäxt bearbeite]

Fride bedütet für d Mitglider vo Juvente nit nur Waffestilstand, sondern e fridliche Umgang mit ihrne Mitmensche, abr au mit sich sälber. Dr Fride mit sich sälber isch für si dr einzigi Wäg drzu au Fride uf dr Wält chöne z erreiche.

"S Ghaimnis mit allne Mensche im Fride zlebe, bistoot i de Kunst, jede i sinere Individualität z verstoo." Friedrich Ludwik Jahn (1778 - 1852), dütsche Pädagog, Politiker und Organisator vom dütsche Turnwese

"S git kan Weg zom Fride, denn de Fride isch de Weg." Mahatma Gandhi (1869 - 1948), indische Freiheitskämpfer

"Fride isch TAT-Sach" Bischöflichs Hilfswerk Misereor

"Zerscht muesch du de Fride i der biwahre, denn chasch au anderne Fride bringe." Thomas von Kempen (1379/80 - 1471), holländische Augustinermönch und Prediger, eigentli Thomas Hemerken

Fründschaft[ändere | Quälltäxt bearbeite]

"Fründschaft isch ai Seel i zwee Körper." Aristoteles (384 - 322 v.Chr.), griechische Philosoph.

"De best Weg e Fründ z haa, isch de, selber an z sii." Ralph Waldo Emerson (1803 - 1882), amerikanische Dichter und Philosoph

"Falsch denke tuet de, wo nu a sich selber denkt und us Egoismus e Fründschaft schlüsst. So wiener agfange het, so werd er ende. Me will e Fründ, demit mer näbert het, womer i de Verbanig beglaite cha und um dem sis Wohlsii me sich kümmere cha. Ales anderi isch nöd Fründschaft, sondern Spekutlation, wo sini aigne Vortail suecht und usrechnet, wa si gwüne cha." Lucius Annaeus Seneca (ca. 4 v. Chr - 65 n. Chr.), römische Politiker, Redner, Philosoph und Schriftsteller

"I ha demit agfange, a mer selber e Fründ z sii. Dodemit isch scho vill gwune, denn me cha denn nüme ainsam sii. Du muesch au wösse, as en asige Mensch allne e rechte Fründ sii werd." Lucius Annaeus Seneca

Unabhängikeit[ändere | Quälltäxt bearbeite]

Unabhängikeit bedütet für d Mitglider nit nur unabhängig vo Alkohol und andere Droge, wo s Bewustsii veränderet, z läbe, sondern au sunscht unabhängig vo Yflüss Entscheidige z träffe und zu ihrere Meinig z stoo.

"Unabhängig isch nume de, wo weder herrsche no beherrscht sii will." Lothar Schmidt (*1922) dütsche Politolog, Aphoristiker und Schriftsteller

"Unabhängigkeit bidütet ales." Oscar Wilde (1854-1900), irische Schriftsteller

"I mue nume da tue, woni will, nöd da, wo die andere vo mer erwarted. I de Gmainschaft isches aifach, noch fremde Vorstelige z lebe. I de Ainsamkait isches aifach, noch de aigne Vorstelige z lebe - aber nu de isch bewundernswert, wo i de Gmainschaft sini Unabhängigkait biwahrt." Ralph Waldo Emerson (1803 - 1882), amerikanische Geistliche, Lehrer, Philosoph und Essayist

"Unabhängigkait im Denke isch s ersti Merkmol vode Fraihait. Ohni dere blibsch en Sklaa vode Umständ." Swami Vivekananda (1872 - 1902), indische Urheber vode Ramakrishna-Bewegig

Juvente Norwäge[ändere | Quälltäxt bearbeite]

D Juvente Norwäge isch im Joor 1992 gründet worde, wo sich Det Norske Totalavholdsselskaps Ungdomsforbund (DNTU, gründet 1924) und Norges Godtemplar Ungdomsforbund (NGU, gründet 1909) zämmegschlosse häi. Iire Sitz isch z Oslo. 2009 het si 875 Mitgliider gha.

Juvente Schwiz[ändere | Quälltäxt bearbeite]

D Juvente Schwiz bestoot us 12 Mitglider (stand 1. Jänner 2006) und het dr Sitz z Basel. Abote wärde alkohl-, nikotin- und drogefryi Wucheänd, Seminar, Lager und Gruppeöbe in dr Region Basel.

Im Summer 2006 het Juvente dr ACTIVE Kongräss in Münchestei usgrichtet. In Vrbindig mit däm Kongräss het d IOGT Schwiz dr Wältkongräss vo de IOGT ebefalls in Münchestei organisiert. Insgsammt hän sich ungfär 500 Teilnämer us dr ganze Wält ygfunde.

Bunti Händ för Chind[ändere | Quälltäxt bearbeite]

Im Vrlauf vo däm ACTIVE und IOGT Kongräss het d Juvente Schwiz mit Hilf vo dr Teilnämr vom Jugendcamp am 1. Auguscht an eim Aktionsdaag in dr Innestadt vo Basel es Projäkt usgfirt. Bim Projäkt „Bunte Hände für Kinder“ het d Juvente Passante annimiert sich e Hand mit abwäschbarer Farb azmole. Die hän si dene fotografiert. Im Vorus hän si sich Sponsore gsuecht wo für jedi agmolti Hand e feschtglegte Betrag spände. Dodrmit sin 2 IOGT Projäkt untrstützt worde:

Weblinks[ändere | Quälltäxt bearbeite]