Julirevolution

Us der alemannische Wikipedia, der freie Dialäkt-Enzyklopedy

[ändere] Ziil

D Julirevolution, oder die französischi Revolution vo 1830 isch ä bürgerlichi Revolution gsi, wo as Ziil gha het, die reaktionäri Politik vom Bourbonekönig Charles X., wo vorgha het s Bürgertum z entmachte, mit erä liberale z ersetze. In ihrem Verlauf isch dr Charles X. abgsetzt und vo siim Cousin, em Louis-Philippe vo Orléans as König ersetzt worde. Frankriich isch ä konstitutionelli Monarchii bliibe, aber s Prinzip vo dr Souveränitet vom Volk, understützt vo de so-genannte Orleaniste, het über die erblige Rächt vo dr Monarchi, wo d Legitimiste uf ihri Fahne gschriibe hai, gsiigt.

[ändere] Verlauf

D Revolution isch am 26. Juli 1830 usbroche, nochdäm die königlichi Regierig die so-genannte „Juliordonnanze“ veröffentligt het, wo s Parlamänt ufglöst und d Meinigsfreiheit iigschränggt hai. Am 27. Juli si z Paris Barrikade baut worde und drei Dag spöter het dr Charles X. abdanggt und isch ins Exil noch Ängland gange. Die Bürgerliche hai d Macht fest in d Hand gnoh, und Unruehe unter em Proletariat unterdruckt.

De Artikel Julirevolution uss de Kategory Gschicht&Politik isch leider no zimlig churz! Wenn dr meh züe dem Thema weisch, no schrib s dezüe und entfern nochher d Markierig {{Stumpen|2}}. Wenn de no nie e Stumpe erwitert häsch, no findsch do Hilf dezüe.