S Oratorium «Joshua» vom Georg Friedrich Händel

Joshua (HWV 64) isch en Oratorium in drei Däil vom Georg Friedrich Händel.

Wie s entstande isch

Dr Händel het am 19. Juli 1747 s Oratorium afo komponiere, also öbbe zwäi Wuche nochdäm er mit em Alexander Balus fertig worde isch. Mit em erste Däil isch er am 30. Juli, mit em zwäite am 8. August, mit em dritte am 18. August fertig worde.

D Uffüerig

D Uruffüerig het am 9. Merz 1748 im Theatre Royal in Covent Garden stattgfunde. Für die Uffüerig isch e nöis Konzärt as Zwüschenaktmusik vorgsee gsi, woorschinlig s Concerto a due cori B-Dur (HWV 332). S Oratorium isch bald im Händel sis erfolgriichste gsi und isch 1752 und 1754 widerholt worde. Zu witere Uffüerige isch s 1754 z Salisbury choo und 1756 z Oxford.

S Libretto

Mä vermuetet ass dr Thomas Morell s Libretto gschriibe het. D' het au d Teggst zu de fr[enere Oratorie Judas Maccabaeus und Alexander Balus gliiferet. S Libretto basiert uf em Buech Josua (Jos 1-11 und Jos 14-15).

Litratuur

• Winton Dean: Handel's Dramatic Oratorios and Masques. Clarendon, Oxford 1989, ISBN 0-19-816184-0, (Originalusgoob: Oxford University Press, Oxford 1959).
• Hans Joachim Marx: Händels Oratorien, Oden und Serenaten. Ein Kompendium. Vandenhoeck & Ruprecht, Göttinge 1998, ISBN 3-525-27815-2.
• Albert Scheibler, Julia Evdokimova: Georg Friedrich Händel. Oratorien-Führer. Edition Köln, Lohmar 1993, ISBN 3-928010-04-2.

Weblingg

• Partitur vom Josua (Usgoob vom Friedrich Chrysander, Leipzig 1864)