Jorge de Meneses
Us der alemannische Wikipedia, der freie Dialäkt-Enzyklopedy
Dr Jorge de Meneses (* um 1498) isch e portugiesische Seefahrer un Statthalter uf Ternate gsii.
Är het im frieje 16. Johrhundert gläbt un isch wahrschyns marranischer Abstammig gsii.
As erschte Europäer isch er anne 1526 uf Neiginea glandet, wun er vum Kurs uf d Gwirzinsle abdribe woren isch. Är het s Biet mit dr Inselgruppe drumumme „Islas do Papua“ gnännt, noch em malaiische Wort Papuwah fir „Chruselhoor“, was di malaiisch Schiffsbsatzig fir di melanesische Yywohner brucht het. Dr Meneses isch fascht e ganz Johr z Wasai uf dr Insle Waigeo nordweschtlig vu Neiginea blibe, wel er d Monsunsaison abgwartet het fir syy Wyterfahrt.
| Persoonedaate | |
|---|---|
| NAME: | Meneses, Jorge de |
| ALTERNATIVNAMEN: | |
| KURZBESCHREIBUNG: | portugiesischer Seefahrer und Statthalter auf Ternate |
| GEBURTSDATUM: | um 1498 |
| GEBURTSORT: | |
| STERBEDATUM: | nach 1526 |
| STERBEORT: | |
