Jordanhill (Bahnhof)
Dr Bohnhof vun Jordanhill isch e Bohnhof z Jordanhill im schottische Glasgow. D Station wird vun de First ScotRail unterhalte un leit on de Argyle- un de Nördlich Clyde Linie.[1] Sie isch bi 55° 52′ 57.6″ N, 4° 19′ 30.4″ W, in de Näh vum Campus vun de Uni un de Jordanhill School.
[ändere] Gschicht
De Bohnhof isch om 1. August 1887 als Teil vun de Glasgow, Yoker and Clydebank Railway ufgmacht worre.[2] S isch ä Loch in de Vosorgung zuegmacht worre, wiil d Streck in de Gegend schu do gsi sin. D Whiteinch Railway un d Stobcross Railway[3] hets schu sitr 1874 gä, aber z Jordanhill isch kei Bohnhof baut gsi. E neij Vobindung isch denne uf Whiteinch Victoria Park Ofong 1897 ufgmacht worre, aber 1951[4] fyr de Personevokehr un fyr d Fracht im Johr 1967.[5] gschlosse worre.
Om 15. Jänner 1898 isch dr J. Johnstone duerch en Unfall umkumme.[6] D Frachtlinie het am 28. Dezember 1932 e Beinahkataschtroph ghet, wu sibzeh Wage sich selbschtändig gmacht hen un mit ondri Wage kollidiert sin, wo nin Wage debi entgleist sin un Kohle uff d Schtreck voschittet hen.[7]
En ärnschthafter Ufall isch om 28. April 1980 passiert. Dert isch ä Zug mit drey Wage un 80 Lit entgleist, noch dem er de Bohnhof volasse ghet het. Alli Drähgschtell vum ärschte Wage sin entgleist un fufzähn Lit sin wege däm ins Kronkehus kumme. [8]
[ändere] Notize un Referenze
- ↑ Map of SPT Rail network.
- ↑ A chronology of Glasgow's railways
- ↑ Railscot: Stobcross Railway
- ↑ 1951 Chronology of RAILSCOT
- ↑ 1967 Chronology of RAILSCOT
- ↑ Railways in Jordanhill (mit de Ordnance Survey Kart vum Bohnhof)
- ↑ The Times, 29 December 1932
- ↑ The Times, 29 April 1980
[ändere] Ekschterni Syte
un Bohnhof Informatione fyr Jordanhill (Bahnhof) vun de National Rail
- Map vun Jordanhill (Bahnhof) vun Multimap.com
- 55° 52′ 57.6″ N, 4° 19′ 30.4″ W,
- Fahrplôn
- Station facilities from First Group
- RailScot: Glasgow, Yoker and Clydebank Railway
- Map of rail area vunSustrans (UK)
