John Hench

Dr John Hench (* 29. Juni 1908 z Cedar Rapids, Iowa; † 5. Februar 2004 z Burbank, Kalifornie) isch en amerikanische Illustrator, Storyboarder und Production Designer gsi. Er isch äine vo de erste Zäichner vo dr Walt Disney Company gsi und het bin e Hufe Drickfilmklassiker wie Dumbo, Peter Pan oder Cinderella mitgschafft. Noch em Dood vom Walt Disney 1966 isch er maassgäblig an dr Entwicklig vo de Disneyland-Themepark bedäiligt gsi. Dr John Hench isch dr „offizielli“ Mooler vom Micky Maus gsi und het zum 25., 50., 60. und 75. Geburtsdaag vo dere Comic-Figuur iir Bordret gmoolt.

Filmografii (Uswaal)[ändere | Quälltäxt bearbeite]

1941: Dumbo (Dumbo) – Storyboard und Kolorierig
1944: Drei Caballeros (Three Caballeros) – Storyboard und Kolorierig
1946: Destino (Destino) – Dräibuech und Storyboard zämme mit em Salvador Dalí; realisiert 2003
1950: Cinderella (Cinderella) – Storyboard und Kolorierig
1951: Alice im Wunderland (Alice in Wonderland) – Storyboard und Kolorierig
1953: Peter Pan (Peter Pan) – Storyboard und Kolorierig
1953: Die Wüste lebt (The Living Desert) – Animationseffekt
1954: 20.000 Meilen unter dem Meer (20000 Leagues Under the Sea) – Büünebild und Animationseffekt
1954: Disneyland: The Disneyland Story – Autor
1959: Donald in Mathmagic Land – Storyboard
ab 1965: Autor vo divärse TV-Brodukzioone, won er zum Däil dine sälber ufdräte isch: Disneyland: Disneyland 10th Anniversary (1965), Walt: The Man Behind the Myth (2001), The Making of 20000 Leagues Under the Sea (2003)

Walt Disney’s Magnificent Mr. Toad mit em Walt Disney (Autor), Grosset and Dunlap 1949
Walt Disney’s Peter Pan mit em Al Dempster, Simon & Schuster, 1952
Designing Disney: Imagineering and the Art of the Show: The Art of Color, Character, and Show mit dr Peggy Van Pelt (Autor); Disney Editions, 2001, ISBN 0-7868-5406-5