Joachim Löw

Joachim Löw
Spiilerinformatione
Name	Joachim Löw
Geburtstag	3. Februar 1960
Uf d Wält cho z	Schönau im Schwarzwald,  Dütschland
Grössi	182 cm
Position	Sturm
Verein in der Jugend
0 0 0	TuS Schönau 1896 FC Schönau SF Eitracht Friiburg
Verein als Aktive1
Johr	Verein	Spiil (Gool)
1978–1980 1980–1981 1981–1982 1982–1984 1984–1985 1985–1989 1989–1992 1992–1994 1994–1995	SC Friiburg VfB Stuttgart Eintracht Frankfurt SC Freiburg Karlsruher SC SC Friiburg FC Schaffhuuse FC Winterthur FC Frauefäld	71 (18) 4 (00) 24 (05) 65 (25) 24 (02) 116 (38) 0 0 0
Nationalmannschaft
	Dütschland U-21	4 (00)
Statione as Trainer
1994 1994–1995 1995–1996 1996–1998 1998–1999 1999–2000 2001 2001–2002 2003–2004 2004–2006 seit 2006	FC Winterthur D-Jugend FC Frauefeld VfB Stuttgart (Co-Trainer) VfB Stuttgart Fenerbahçe Istanbul Karlsruher SC Adanaspor FC Tirol Innsbruck FK Austria Wien Dütschi Nationalmannschaft (Co-Trainer) Dütschland
1 Aage si nume Liga-Spiil.

Dialäkt: Markgräflerisch (Ebringe)

Dr Joachim „Jogi“ Löw (* 3. Februar 1960 z'Schönau im Schwarzwald) in Südbade, isch sit em 1. Auguscht 2006 dr Trainer vu dr dytsche Fuessballnationalmannschaft.

As Fuessballspiler isch er nooch dr Jugend bi zwei Schönauer Verein un dr Eitracht Friburg as Profi fier dr SC Friburg, dr VfB Stuegert, Eitracht Frankfurt, dr Charlsrueher SC, dr FC Schaffhuse, dr FC Winterthur und dr FC Frauefeld dätig gsi. In 52 Bundesligaspile het er sibe Dore gschosse, dezue sin 252 Isätz un 81 Dore in dr 2. Bundesliga chumme; usserdem het er vier Isätz in dr U21-Nationalmannschaft gha.

As Trainer het er dr FC Winterthur, dr FC Frauenfeld, dr VfB Stuttgart (14. August 1996 bis 30. Juni 1998), Fenerbahçe Istanbul (1. Juli 1998 bis 29. Mai 1999), dr Charlsrueher SC (25. Oktober 1999 bis 19. April 2000), Adanaspor in dr Türkei (20. Dezember 2000 bis 4. März 2001), dr FC Tirol Innsbruck (10. Oktober 2001 bis 18. Juni 2002) un zueledscht Austria Wien (4. Juni 2003 bis 24. März 2004) betreut.

Dr Löw het nooch sinere middlere Riifi am Gymnasium in sinem Heimetort e Usbildig zum Grosshandelschaufmann gmacht. Er wohnt z'Wittnau im Hexedal bi Friburg im Brisgau, isch verhirotet (Ehefrau Daniela) un het keini Chinder.

Gröschti Erfolge

Sini gröschte sportliche Erfolge as Vereinstrainer sin dr Gwinn vum DFB-Pokal anno 1997 und s Erreiche vum Finale vum Europapokal vu dr Pokalsiger anno 1998 gsi (beides mit em VfB Stuegert) sowie die östriichisch Meisterschaft anno 2002 (mit em FC Tirol Innsbruck).

Nooch dr EM 2004 un em Rucktritt vum Rudi Völler het dr Löw näbenem Jürgen Klinsmann un em Oliver Bierhoff s'Füehrigstrio vu dr dytsche Nationalelf komplettiert, wo er bi dr Fuessballweltmeisterschaft 2006 dr dritt Platz erreicht het mit ere.

Am 12. Juli 2006 isch dr Joachim Löw in ere Pressekonferenz vum DFB als nöie un demit insgsamt 10. Trainer vu dr dytsche Fuessballnationalmannschaft vorgstellt worre. Säller Platz isch frei worre, noochdem dr Jürgen Klinsmann sich defür entschide het, sin Vertrag bis zum 31. Juli 2006 nimmi z'verlängere. Dr Löw het zuenächscht e Vertrag yber zwei Johr erhalde.

Nooch dr gwunnene Qualifikation zue dr Europameischterschaft 2008 in dr Schwiiz un Öschterrich het die dytsch Mannschaft nooch ere durchwaxene Vorrunde am 19. Juni z'Basel s'Virtelfinalspiil gege Portugal gwunne. Dr Löw isch fier säll Spiil vu dr UEFA in e Reporterkabine hoch iberem Stadion verbannt worre.

Mit em 3:2-Siig iber d'Türkei im St.-Jakob-Stadion ebefalls z'Basel am 25. Juni 2008 het im Joachim Löw si Mannschaft s'Finale z'Wien erreicht.

Bi dr Fuessball-WM 2010 z'Südafrika het die vum Löw betreut ditsch Nationalmannschaft dr dritt Platz erreicht un demit s'Duell um dr bescht Trainer ussem Wiisedal klar fier sich entschide. Die jüngscht ditsch Mannschaft, wo je an e WM gschickt worre isch, het sich debi durch e attraktive, offensive Fuessball uszeichnet un sowohl durch ihri Spilart wie au d'Herchumft vu dr Spiler alli Clichés iber Ditschland iber dr Huffe gworfe.

Im Vorfeld vu dr WM het es Querele um d'Vertragsverlängerig gä un noch ere Niderlage ime Teschtspil gege Argentinie im März isch au e Diskussion mit Kritik an dr Nicht-Nominierig vu erfahrene Spiler in die ditsch Nationalmannschaft in dr Presse ufchu. Bsunders heftig kritisiert worre isch, dass dr Löw dr Bundesliga-Torschützekönig vu dr abgloffene Spilzit, dr Kevin Kuranyi, nit fier d'WM nominiert het. Die Hamburger Illustrierti "DER SPIEGEL" het im Löw vorgworfe, numme uf jungi Josager z'setze un keini Kritiker z'dulde. . Mitte Juli hän dr Löw un si Trainerstab ihr Vertrag mit em DFB um zwei Johr bis 2012 verlängeret.

Weblink

 Allmänd (Commons): Joachim Löw — Witeri Mulitimediadateie zum Artikel

• Joachim Löw Statistik bim DFB

Dä Artikel basiert uff ere fräie Übbersetzig vum Artikel „Joachim_Löw“ vu de dütsche Wikipedia. E Liste vu de Autore un Versione isch do z finde.