Jalta

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Jalta
Ялта
Ялта
Yalta
Region uf dr Krim: Jalta
geographischi Koordinate: 44° 29′ 58" N, 34° 9' 19" O
Höchi: 40 m
Iwohner: 80'552 Iiwohner (2001)
Postleitzahl: 98600 — 98639
Vorwahl: +380-654
Zittzone: EET: UTC +2
Jalta (Krim  )
Jalta
Jalta

Jalta (ukr. und russ. Ялта, Jalta; krimtat. Yalta) isch e Kurort a de Südchüste vo de Krim am Schwarze Meer und zällt öppe 80’500 Iiwonner.

Jalta isch wege sim milde Klima e biliebte Feri- und Kurort und meriri russischi Künstler hend z Jalta glebt, so de Musiker Tschaikowski und d Schriftsteller Tschechow und Tolstoi. De Ort isch bikannt wore dör d Konferenz vo de Allierte USA, England und de Sowjetunion, wo z Jalta öber s Schicksal vo Tütschland nochem Zwaite Weltchrieg verhandlet hend.

Gschicht[ändere | Quälltäxt bearbeite]

d Bucht vo Jalta

D Bucht vo Jalta isch scho vo de Taurer bisidlet wore und im früene Mittelalter hend sich Krimgote niderloo, wie alano-gotischi Gräberfelder usem 5./6.Jh. zaiget.

De Ort werd 1154 zerstmol vom arabische Geograf al-Idrisi gnennt, wo schribt, as Dschalita ( جاليطة Ǧaliṭah) im Piet vo de Kumane ligi. De Name laitet sich vom griechische Wort gialos (γιαλός) »Chüste, Strand« ab. 1380 isch Jalita zu de Genuese choo und het im 15.Jh. vermuetli zum Förstetum Theodoro ghört.

1475 isch de Ort zum Osmanische Riich choo und 1774 zum Krimchanat und 1783 zu Russland, nochdem scho 1778 d Zarin Katherina 241 christlichi Grieche, wo de Ort sit Joorhunderte biwonnt hend, deporiere loo het. Im 19. Jh. isch de Ort schnell zunere Stadt aagwachse, wo sich bsunders adligi und riichi Lüüt niderloo hend. 1944 sind vom Stalin ali Krimtatare und Karaime vo Jalta deportiert wore. 1945 isch Jalta zunere chraisfraije Stadt wore. Sit 1991 ghört Jalta zu de Ukraine.