Jakobite

Us der alemannische Wikipedia, der freie Dialäkt-Enzyklopedy
Dr Jakob II. vo Ängland

Jakobite oder Jakobiter (vo ängl. Jacobites, abgläitet vo Jakob II. und VII. vo Ängland und Schottland) het mä dä änglische, schottische und irische Aahänger gsäit vo de Droonbretendente us em Huus Stuart, wo im Exil gläbt häi (vor allem vo 1688 bis 1766).

Dr katholisch Köönig Jakob II. het mit sinere prokatholische Politik in e baar Joor (1685–1688) d Understützig vo bräite Bevölkerigsschichte verloore und isch 1688/89 in dr Glorious Revolution vom änglische Droon verdriibe und dur si Dochder Maria II. und iire Maa Wilhelm (William) vo Oranie ersetzt worde. Sini Aahänger, d Jakobite, häi dur Ufständ in de Joor 1689, 1708, 1715, 1719 und 1745 immer wider ooni Erfolg brobiert, zerst dr Jakob II. sälber und spööter si Soon James Francis Edward Stuart as James III uf e Droon z setze.

Zwar isch käi Erb vo de Stuarts hützudaags no am britische Droon intressiert, Jakobite git s aber immer no. Mä cha sä as 'defenders of Scotland' (Verdäidiger vo Schottland) im Internet finde. Si leene dr Act of Union ab, wo s schottische Parlamänt drmit Schottland und Ängland zun ere veräinigte Monarchii gmacht het und strääbe en unabhängigs Schottland aa.

Litratuur[ändere | Quälltäxt bearbeite]

  • Eveline Cruickshanks, Howard Erskine-Hill: The Atterbury Plot. Palgrave Macmillan, Houndmills u. a. 2004, ISBN 0-333-58668-9 (Studies in modern History).
  • Paul Kléber Monod: Jacobitism and the English People. 1688 – 1788. Cambridge University Press, Cambridge u. a. 1989, ISBN 0-521-33534-5.
  • Murray G. H. Pittock, Jacobitism. Macmillan u. a., Houndmills u. a. 1998, ISBN 0-333-66797-2 (British History in Perspective).
  • Margaret Sankey: Jacobite Prisoners of the 1715 Rebellion. Preventing and Punishing Insurrection in Early Hanoveranian Britain. Ashgate Publishing, Aldershot, Hampshire, England 2005, ISBN 0-7546-3631-3.
  • Daniel Szechi: The Jacobites. Britain and Europe. 1688 – 1788. Manchester University Press, Manchester 1994, ISBN 0-7190-3773-5 (New Frontiers in History).
  • Daniel Szechi: 1715. The Great Jacobite Rebellion. Yale University Press, New Haven CT u. a. 2006, ISBN 0-300-11100-2.

Weblingg[ändere | Quälltäxt bearbeite]

Jakobitisch-royalistischi Website (alli uf Änglisch):

Dä Artikel basiert uff ere fräie Übersetzig vum Artikel „Jakobiten“ vu de dütsche Wikipedia. E Liste vu de Autore un Versione isch do z finde.