Jakob Thommen

Us der alemannische Wikipedia, der freie Dialäkt-Enzyklopedy

Dr Jakob Thommen (* 23. Aprelle 1876 z Gälterchinde; † 6. Juli 1950 z Basel ) isch e Schwyzer Dokter gsii. Är isch Bürger vo Diegte gsi.

Sys Läbe[ändere | Quälltäxt bearbeite]

Dr Jakob Thommen isch dr Soon vom Jakob Thommen, Müller und dr Rosina Handschin gsi. 1903 het är d Lina Bürgin vo Diepflige ghürotet. Är isch in d Primarschuel z Gälterchinde, in d Bezirkschuel z Böckte und Realschuel z Basel gange.

Bruef und Militär[ändere | Quälltäxt bearbeite]

Dr Jakob Thommen het z Basel und z Losann es Medizinschtudium gmacht und 1899 mit em Schtaatsexame abgschlosse. Är het am Bürger- und am Fraueschpital z Basel gschafft, drno isch är z Berlin und am Chrankehuus z Lieschtl tätig gsi. 1902 het är sy Promozion an dr Uniwärsitet z Basel übercho. Drno het är d Praxis vom Dokter Handschin z Gälterchinde überno und isch 48 Joor als populäre Landarzt tätig gsi. Im Militär isch är Hauptmaa bi dr Sanitet gsi. Im zwöite Wältchrieg het är als Truppearzt sy Dienscht gleischtet. Im Joor 1939 isch är in dr Militärsanitetsanschtalt z Interlake tätig gsi.

Wyteri Ysätz[ändere | Quälltäxt bearbeite]

Dr Jakob Thommen isch Mitglyd vo dr Schulpfläg z Gälterchinde gsi, färner Mitglyd vom Verwaltigsrot vo dr Elektra Gälterchinde und dr Basellandschaftlige Hüpotekebank.

Literatur[ändere | Quälltäxt bearbeite]

  • Basellandschaftliche Zeitung 11.7.1950
  • Landschäftler 8.7.1950. U.B.

Weblink[ändere | Quälltäxt bearbeite]