Jakob Klaesi

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Dr Jakob Klaesi-Blumer (* 29. Mei 1883 z Luchsige; † 17. August 1980 z Knonau) isch e Schwiizer Psychiater gsi, wo wäg sire Schlafkur bekannt isch.

Dr Klaesi het d Brivatklinik im Schloss Knonau (im Südweschde vom Kantoon Züri) gründet u gleited. 1933 isch er Diräkder vor Psychiatrische Universitätsklinik Waldau z Bärn worde, u de usserordentleche Brofässer für Psychiatrii ar Uni Bärn. Vo 1936 bis 1953 isch er Klinikdiräkder u ordentleche Brofässer für Psychiatrii ar Uni Bärn gsi. U i de Jaar 1950 u 1951 isch er Räkder vor Uni gsii.[1]

Dr Klaesi isch somaatische Behandligsmetode gägenüber skepdisch gsii, obwohl er öppe 1920 di psychiatrischi Schlaafkur mid em Medikamänt Somnifen entwickled het. Dr Klaesi isch vor allem Psychoterapeut gsii u isch indressiert gsii ar Psychodynamik vo sine Baziänte. Wäg sire Erfaarige hed er aagfange, e phänomenologische Analyse vor Exbrässioon z entwickle.[2]

Dr Klaesi hed e Frou Blumer ghüraate. U är hed churzi Gedichd u Dramene verfassd; dorum hed me ne o Dichderarzt gnennt.

Literatuur[ändere | Quälltäxt bearbeite]

Weblink[ändere | Quälltäxt bearbeite]

Kwälle[ändere | Quälltäxt bearbeite]

  1. Räkdoore vor Uni Bärn
  2. T. Haenel. Jakob Klaesi zum 120. Geburtstag. Ziitschrifd Der Nervenarzt, Band 74, Nr. 5. Berlin/Heidelberg: Springer, 2003. S. 471-475. Zämefassig. I däm Artikel wärde d «Unterschiid u Parallele zum Alfred Adler u zum Karl Jaspers» diskutiert.
Dä Artikel basiert uff ere fräie Übersetzig vum Artikel „Jakob_Klaesi“ vu de dütsche Wikipedia.

E Liste vu de Autore un Versione isch do z finde.