Jacopo Riccati

Jacopo Francesco Riccati

Dr Jacopo Francesco Riccati (* 28. Mai 1676 z Venedig; † 15. April 1754 z Treviso) isch än italiänische Mathematiker gsi.

Errungeschafte

Er isch vor allem für siini Untersuechige vo Differentialgliichige und d Methoden zur Verchliinerig vo dr Ornig vo Gliichige bekannt.

Dr Riccati het z Venedig gschafft und isch mit vile Wüsseschaftler in Verbindig gschdande. Er het mehreri allgemeini Klasse vo Differentialgliichige undersuecht und Lösigsmethode gfunde, wo vo vile, drunder em Daniel Bernoulli, übernoh worde si. Besundrigs uusfüehrlig het er Gliichige undersuecht, wo noch ihm Riccati-Gliichige heisse.

Familie

Ein vo siine Söhn isch dr Mathematiker Vicenzo Riccati (1707 - 1775) gsi. Dä isch Jesuit worde und isch ä Pionier im Gebiet vo de hyperbolische Funktione gsi. Ä zweite Sohn, dr Giordano Riccati isch dr erscht gsi, wo dr Elaschdizitetsmodul vo Metal gmässe het, 25 Johr vor em Thomas Young, wo däm Modul si Name ge het.

Schriibig vom Name

Dr Name Riccati wird mänggisch falsch Ricatti gschriibe, bsundrigs im Internet.

Literatur

• Gottwald, Ilgauds, Schlote Lexikon bedeutender Mathematiker, Leipzig 1990

Weblink

• Jacopo Riccati. In: MacTutor History of Mathematics archive. (änglisch)

Dä Artikel basiert uff ere fräie Übbersetzig vum Artikel „Jacopo_Riccati“ vu de dütsche Wikipedia. E Liste vu de Autore un Versione isch do z finde.

Dä Artikel basiert uff ere fräie Übbersetzig vu dere Version vum Artikel „Jacopo_Riccati“ vu de änglische Wikipedia. E Liste vu de Autore un Versione isch do z finde.