Iwan Schischman

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Iwan Schischman
Zar vo Bulgarie
Iwan Schischman. Tetraevangeliar vom Zar Iwan Alexander
Regierigsziit 17. Februar 1371 – 3. Juni 1395
Gstorbe 3. Juni 1395
Dodesort Nikopol, Bulgarie
Vorgänger Iwan Alexander
Nochfolger Iwan Sratsimir
Verhürotet mit Kira Maria
Dragana vo Serbie
Kgl. Huus Huus vo de Schischman
Vater Iwan Alexander
Mueter Sarah-Theodora

Dr Iwan Schischman (* um 1350; † 3. Juni 1395 z Nikopol) isch e bulgarische Brinz und vo 1371 Zar vo Bulgarie z Weliko Tarnowo gsi. Noch em Dood vo sim Vater het er d Koalizioon vpm südserbische Köönig Vukašin Mrnjavčević gege d Osmane understützt. In dr Schlacht an der Mariza am 26. Septämber 1371 häi d Osmane die serbisch-bulgarischi Armee vernichdet. Dr Vukašin Mrnjavčević isch gfalle im Kampf. Wäge de Aagriff vo de Türke het sich 1373 dr Iwan de Osmane underworfe. Die häi aber nid ufghöört Däil vo sim Riich z eroobere, 1378 Ichtiman und 1383 Sofia. Er het sich denn gegen e türkisch Sultan Murad II. ufgleent und dä het 1388 ganz Bulgarie erooberet und dr Iwan z Nikopol belaageret. Er het sich no äinisch underworfe, aber 1393 häi d Türke Bulgarie wider aagriffe und am 17. Juli isch die bulgarischi Hauptstadt Weliko Tarnowo gfalle, was vilmol as s Ändi vom Zwäite Bulgarische Riich aagluegt wird. Dr Iwan het as osmanische Vasall s Land regiert, bis dass en am 3. Juni 1395 dr Sultan Bayezid I. het lo hiirichde.

Litratuur[ändere | Quälltäxt bearbeite]

  • Andreev, Jordan; Ivan Lazarov; Plamen Pavlov: Koj koj e v srednovekovna Bǎlgarija. Sofia 1999. ISBN 954-402-047-0.
  • Andreev, Jordan: Bǎlgarija prez vtorata četvǎrt na XIV vek Veliko Tǎrnovo 1993.
  • Andreev, Jordan; Zar Iwan Schischman /1371-1395/ in Bǎlgarskite khanove i zare VII-XIV vek, Verlag „Petar Beron“, Sofia, 1998, S. 208 - 217, ISBN 954-402-034-9
  • Božilov, Ivan: Familijata na Asenevci (1186–1460) (in Bulgarian). Sofia 1985.
  • Fine, Jr., John V.A.: The Late Medieval Balkans, Ann Arbor 1987. ISBN 0-472-08260-4.
  • Podskalsky, Gerhard:Theologische Literatur des Mittelalters in Bulgarien und Serbien 815-1459. München 2000. ISBN 3-406-45024-5
Dä Artikel basiert uff ere fräie Übersetzig vum Artikel „Iwan_Schischman“ vu de dütsche Wikipedia.

E Liste vu de Autore un Versione isch do z finde.