S islamische Opferfest

Us der alemannische Wikipedia, der freie Dialäkt-Enzyklopedy
E Stand z al-Minya wääred em Opferfest, wo Metzger Schoof schlachte und s Fleisch verchaufe. S farbige Stoffmuster vom Zält isch tüpisch für Egüpte. Brivat schlachte d Lüt direkt vor oder im äigene Huus.

S Opferfest (arabisch عيد الأضحى‎, DMG ʿĪdu l-Aḍḥā) isch s höggste islamische Fest. Es wird zum Höhepunkt vom Haddsch gfiirt, dr Wallfaart uf Mekka. Es foot am Zääte vom islamische Monet Dhū l-Hiddscha aa und goot vier Dääg lang. Wägen em islamische Mondkaländer cha s Opferfest in jedere Jooreszit stattfinde, es verschiebt sich im Sunnekaländer ruggwärts, jedes Joor mäistens um elf Dääg.

Mit em 'Īd al-fitr, em Fest vom Fastebräche am Ändi vom Fastemonet Ramadan, ghört s zu de bedütendste Festligkäite im islamische Jooreskräis.

Bedütig[ändere | Quälltäxt bearbeite]

S Opferfest wird zum Gedänke an dr Brofeet Ibrahim (Abraham) gfiirt, wo noch dr muslimische Überliiferig die göttligi Broob bestande het und baraat gsi isch, Allah si Soon Ismael z opfere. Wo Allah (Gott) si Gottvertraue gsee het, het er en aaghalte. Dr Ibrahim und dr Ismail häi druf voll Dankbarkäit im Kräis vo Fründ und Bedürftige e Schoofsbock gopferet. D Gschicht wird im Koran in dr Sure 37,99–113 verzelt. In dr Bible isch s d Gschicht vom Opfer vom Isaak (Genesis, 22, 1–19).

Litratuur[ändere | Quälltäxt bearbeite]

  • Mohammed Rashed: Das Opferfest (cid-aladha) im heutigen Ägypten. Klaus Schwarz Verlag, Berlin 1998, ISBN 3-87997-267-2.

Weblingg[ändere | Quälltäxt bearbeite]

 Commons: Eid ul-adha – Sammlig vo Multimediadateie

Fuessnoote[ändere | Quälltäxt bearbeite]


Dä Artikel basiert uff ere fräie Übersetzig vu dere Version vum Artikel „Islamisches_Opferfest“ vu de dütsche Wikipedia. E Liste vu de Autore un Versione isch do z finde.