Io

Us der alemannische Wikipedia, der freie Dialäkt-Enzyklopedy
Dä Artikel bschäftigt sich mit dè Gstalt Io us dè grichisch-römischè Mythologi, andèri Bdütige vu dèm Bgriff findènèr undèr Io
Io un Zeus vu Corregio

Io (agr. Ἰώ, Iō) isch in dè grichischè Mythologi d'Dochtèr vum Flussgott Inachos. Si isch ä Schätzli vum Zeus gsi un het ihm dè Epaphos uf d'Welt brocht.

Zeus het sich ainst in Io vèrlièbt un het si entfeehre wellè. Des het abèr si ifèrsüchtigi Frau Hera gmèrkt. Um d'Entfeehrig z'vertuschè, het Zeus Io in ä schneewissi Chuèh vèrwandlèt. Hera het des abèr spitz kriègt und het d'Chuèh als Gschènk gfordèrèt, was Zeus ihrè nit het abschlagè chännè. Hera het dèno dè hundèrtäugig Riis Argos buftrait, Io z'bwachè.

Zeus het dèno si Himmelsbott Hermes zum Argos gschickt. Hermes het ihn mit sinèm Flötèspil in dè Schlof glullt, so dass Io - immèr noch in Deergstalt - het èntflièhe chännè. Abèr au hindèr sälli List isch d'Hera bal chu un het ä Rinderdassèl gschickt, wo Io uablässig vèrfolgt het. (S'dièf Surre vu dèrè fèr Rindvichèr läbènsgfährlichè Brèmmè vèrmag ganzi Chuèhhèrdè in d'Flucht z'triibè.)

Uf dè Flucht, het Io s'Meer ibèrquèrt, wo spätèr noch ihrè daift worre isch (Ionischs Meer), worufhi si Ägyptè èrraicht het. Dèrt het Io d'Göttèr agfleht, si z'èrlösè. Hera het uf gständigs Bittè vum Zeus igwilligt un het ihrè ihr menschlichi Gstalt zruckgä, woruf si dèrt als Göttin vèrehrt worrè isch.

Weblink[ändere | Quälltäxt bearbeite]

 Commons: Io – Sammlig vo Multimediadateie
Dä Artikel basiert uff ere fräie Übersetzig vum Artikel „Io_(Mythologie)“ vu de dütsche Wikipedia. E Liste vu de Autore un Versione isch do z finde.