Internazionalismus

Us der alemannische Wikipedia, der freie Dialäkt-Enzyklopedy

Dr Internazionalismus isch dr politisch Geegesatz zum Nazionalismus, Schowinismus und andere Ideologie, wo partikularistischi Grubbierige wie Staate, Nazioone, Völker, Religioone usw. as Ideal hoochhalte.

D Faane vo de Veräinte Nazioone

Er isch e politischs Brinzip, wo gröösseri politischi und wirtschaftligi Zämmenaarbet vo Nazioone und Völker aasträbt. Er het sini ideologische Wurzle im Sozialismus und Liberalismus. Vor allem d Sozialiste häi sich under em Iifluss vom Marxismus und sine Ufrüef wie «Broletarier vo alle Länder: düend öich zämme!» scho früe über die nazionale Gränze äwägg in Internazionale organisiert Internazionaliste glaube im Allgemäine, ass d Wält sich sött veräinige und d Lüt as Persone oder Grubbe, aber au iiri Regierige, über nazionali, kulturelli oder soziali Gränze übere sötte kooperiere, zum gmäinsaami Inträsse fördere und s Schiggsaal vo dr Menschhäit in dr lange Sicht verbessere.

Dr änglisch Sozialist Ramsey MacDonald het glaubt, ass 'unseri ächti Nazionalidäät d Menschhäit isch'.

Dr Internazionalismus stützt sich hüte uf starki Bürokratie wie die vo de Veräinte Nazioone und iire Organ, wo zwar die nazionalistische Elimänt nid usschalte, aber iine e Raame gäbe, wo si din vilmol denn au zämmeschaffe.

Litratuur[ändere | Quälltäxt bearbeite]

  • Josef Hierlmeier, Internationalismus. Eine Einführung in seine Ideengeschichte – von den Anfängen bis zur Gegenwart, Schmetterling Verlag, 2. Uflaag, 2006, ISBN 3896575945
  • Holger Marcks, Strukturen des Internationalismus. Das Problem der organisatorischen Bedingungen für eine internationalistische Arbeiterbewegung, in: Marcks/Seiffert, Die großen Streiks. Episoden aus dem Klassenkampf, Münster 2008, S. 88–92.