Institut universitaire de hautes études internationales

Us der alemannische Wikipedia, der freie Dialäkt-Enzyklopedy

Der einzigi Ort i der Schwiz, wome cha Internazionali Beziehige studiere, ischs Gämfer Hochschuelinschtitut für internazionali Studie (IUHEI oder eifach nume HEI). Das Inschtitut isch wältwit zimlech bekannt. Uf Französisch heisst die Schuel Institut universitaire de hautes études internationales. S'HEI isch es Inschtitut, wo unabhängig isch vo der (vil grössere) Universität Gämf. S'Geböide, wod Vorläsige schdattfinde und wod Verwaltig ire Sitz het, isch die sogenannti Villa Barton diräkt am Gämferseeufer. Die Schuel isch 1927 gründet worde vom Paul Mantoux und em William Rappard.

Z'Gämf gits nones anders Inschtitut, wome so internationali Theme studiert, und das ischs Institut universitaire d’études du développement (Abchürzig IUED); das wird ab 2008 mit em HEI zämeglegt; de gits drus es vil es grössers Inschtitut, wo denn Hochschuelinschtitut für internazionali Studie und Entwicklig (abgchürzt IHEID) heisst.[1]

Bekannti Lüt vo däm Inschtitut[ändere | Quälltäxt bearbeite]

Professore (au die wo nümme dört si)[ändere | Quälltäxt bearbeite]

  • Saul Friedländer, Gschichtswüsseschaftler;
  • Hans Kelsen, het dört internazionals Rächt unterrichtet vo 1934 bis 1940;
  • Theodor Meron, het dört internazionals Rächt unterrichtet vo 1991 bis 1995;
  • Ludwig von Mises, Profässer für internazionali, ökonomischi Beziehige vo 1934 bis 1940;
  • Wilhelm Röpke, Profässer für internazionali Ökonomi vo 1937 bis 1966.

Ehemaligi bekannti Schtudänte[ändere | Quälltäxt bearbeite]

  • Kofi Annan, 7. Generalsekretär vo de Vereinte Nazione vo 1997 bis 2006;
  • Micheline Calmy-Rey, Bundesrötin sit 2002;
  • Andrew Cordier, (1901-1975) UNO-Beamte;
  • Rudiger Dornbusch, dütsch-US-amerikanische Ökonom und Professor wo lang am MIT i de USA gsi isch;
  • Arthur Dunkel, Schwizer Ökonom und Generaldiräkter vom GATT vo 1980 bis 1993;
  • Philipp M. Hildebrand, Mitglid vom Direktorium vo de Schwizerische Nazionaubank (sit 2003, sit 2007 isch är sogar Vizepräsident);
  • Sandra Kalniete, Usseminischterin vo Lettland vo 2002 bis 2004 und au no churz EU-Kommissarin 2004;
  • Beat Kappeler, Schwizer Soziauwüsseschaftler und Publizist;
  • Jakob Kellenberger, Schwizer Diplomat und sit 2000 Presidänt vom IKRK;
  • Michael Reiterer, Botschafter vo der Europäische Kommission in Bärn (sit 2007);
  • Jean-Pierre Roth, Presidänt vom Direktorium vo der Schwizerische Nazionaubank (sit 2001);
  • Hernando de Soto, peruanische Ökonom und Presidänt vom sogenannte Instituto de Libertad y Democracia (ILD).

Fuessnote[ändere | Quälltäxt bearbeite]

  1. Zämeschluss vo zwei Inschtitut bim Schwizer Färnseh SF Tagesschau.

Weblinks[ändere | Quälltäxt bearbeite]