Hyrule

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Bi Hyrule handlet sichs um es fiktivs Land, wo di meischte Spiel von de "The legend of Zelda"-Serie schpiled. Hyrule isch vom Japaner Kensuke Tanabe erfunde worde. Er selber het gseit, Hyrule isch vo Tolkiens Mittelerde inspiriert worde.

Geografii[ändere | Quälltäxt bearbeite]

Hyrule gseht i de meischte Zelda-Spiel wider e chli andersch us, es git aber Gebiet, wo immer wider uftauched:

En Fluss, meischtens Zoras Fluss gnennt.

En Berg, meischtens Todesberg (aber: in "the minish cap": Gongol-Berg und in "twilight princess": Füürberg.

De Hylia-See, wo vom Zora-Fluss gschpiist isch.

E Wüeschti mit variierende Neme meischtens heisst sie aber Gerudo-Wüeschti

Ebene, wo di verschidene Gebiet mitenand verbinde.

Welder, mengisch di "verlorene Welder" gnennt.

Stadt-Hyrule, d Lon-Lon-Farm und s´Dorf Kakariko.

Völker[ändere | Quälltäxt bearbeite]

Di folgende Völker sind jetzt us verschidenschte Spiel zämetreit worde, und chömed meischtens nöd zeme i eim Spiel vor.

Kumulaner: Hüenerehnlichs Volk wo i de flügende Stadt Kumula lebt. (twilight princess)

Hylianer: D Mensche vo Hyrule. Si hend schpitzigi Ohre. (eigentlich alli Spiel)

Goronen: Schtei essends, stachs Volk wo bim Todesberg lebt. (diversi Spiel)

Zoras: Im Wasser lebends Volk wo bi de Quelle vom Zora-Fluss wohnt. (diversi Spiel)

Twili: (ableitet vo Twilight, was Zwielicht bedütet). D Twili sind es Volk vo ehemals verbannte Hylianer. Meh dezue i "Triforce" (twilight princess)

Kokiri: Es Volk vo Chinde wo nie erwachse werded. (Aber nur, solangs in ihrne Welder bliibed)

Gerudos: Das Volk, wo im Gerudo-Tal wohnt, bestaht nur us Fraue. (diversi Spiel)

Sheikah: Sind es Volk vo Ninjamessige Assasine. Es git nüme vili von ihne. Die bekanntischti isch d' Impa im Spiel OoT (diversi Spiel)


Minish: Das Volk chunth vorallem im Spiel "the Minish cap" vor. Das Volk bestaht us Zwerge, wo nur alli Hundert Jahr us ere Welt, wo Tyloria heisst, nach Hyrule chömed und de Mensche helfed. I einige Spiel vo Zelda, wird ein Minish zum böse Demon Vaati.

Die Völker wo jetzt chömed, sind erscht entstande wo Hyrule überfluetet worde isch. Das Spiel "the wind waker" schpilt i dere überfluete Welt.

Orni: Es Vogelvolk wo uf de Insle Drakonia wohnt. Diened als Pöschtler. Si schtammed vo de Zoras ab.

Krogs: Es uf de Insle Tanntopia lebends Volk, wo vo de Kokiri abschtammt und uusgseht, als wers us Holz und bletter.

S Triforce[ändere | Quälltäxt bearbeite]

Hyrule isch (fiktiv) vo drü Göttinne erschaffe worde. (Din, Nayru und Farore). Die Göttinne hend ihri Macht in Form vom Triforce (drü drüegg) hinterla. S Triforce erfüllt alli Wünsch, und isch drum gfehrlich. As wird drum im "goldenen Reich" (sacred realm) iigschperrt. I das Riich werded irgendwenn Mensche, wo durch Chrieg s Triforce hend wele chlaue, verbannt. Us ine entstönd d Twili. Da Oberbösewicht Ganondorf wird au i das Riich verbannt, und macht us dem "goldenen Reich" es Schatteriich, wo i de Spiel "twilight princess" und "a link to the past" thematisiert wird. Im Spiel versuecht de Bösewicht (Ganondorf) meischtens, s Triforce für sini Zweck z missbruche.


Figure[ändere | Quälltäxt bearbeite]

Einigi Figure chömed immer wider vor.

De Ganon isch en Maa vom Gerudo Volk. (Nur alli hundert Jahr gits bi dene en Maa). Us ihm wird de Demon Ganondorf, wo i praktisch allne Zelda-Spiel vorchunth. De Ganon beherrscht s Triforce-Teil vo de Sterchi.

D Prinzessin Zelda, nach dere s Spiel benennt isch, verfüegt übr s Triforce-Teil vo de Weisheit und kempft immer (usserd si wird dur e bösi Macht konrolliert) uf Siite vo de Guete.

De Link, de blondi, in grüen kleideti Held, isch immer d Hauptfigur wo meischtens imene lendliche Gebiet wohnt, und nöd grad sehr bedütend erschient. In "the ocarina of time" lebt er bi de Kokiri, isch eigentli aber en Hylianer. I de Zelda-Spiel cha de Spiler de Name vom Held uswehle, Link isch aber de Allgemeinbegriff. Wi d Spiel vo Zelda teilwiis hunderti vo Jahr usenand schpiled, handlet sichs bim aktuelle Link meischtens um en Widergeburt. (I de Spiel wird oft uf en Held vo vergangener Ziit higwise). De Link seit nie öppis, was luut Nintendo am Schpiler helfe sett, sich mit em Held z identifiziere. De Link het s Triforce-Teil vom Muet.

I vilne Spiel chunth au de König vo Hyrule vor.

Und nie vergesse def mer de Helfer oder d Helferin vom Link. Debi chas sich um en desertierte Twili, e Fee, e Chappe oder au es redends Boot handle. (Chunth ufs Spiel drufah).

I de Schpieu wo i de Traditione vo "Ocarina of Time" sy isch ir Regu ou d'Lon-Lon Farm azträffe. Uf dere gits näbe Chüe und d'Epona, s'Ross vom Link, ou d'Malon u ihre Father de Talon. Während de Talon meischtens schlooft, duet d'Malon singe odr cha eim im Fau vo Ocarina of Time sogar s'Lied "Eponas Lied" bibringe. Ir Lon-Lon Farm chame meischtens ou Müuch choufe. Ou de Tingle, e ironeschi Parodie vom Link, chund i füune Zeldas vor u het sogar es eigets Spiu namens "Freshly-Picked Tingle's Rosy Rupeeland" becho.