Hyperrealismus

Us der alemannische Wikipedia, der freie Dialäkt-Enzyklopedy
Fruttiera di cristallo con meloni (1999), e hüperrealistischs Gmäld vom Mauro David (1949–2007)

Dr Hüperrealismus, au Superrealismus, isch e Kunstrichdig, wo d Moolerei und Skulptuur, aber au d Fotografii und dr Film umfasst. Dr Realismus isch immer e wichdigs Elimänt in dr Räije vo de Stilrichdige in dr Kunst gsi.[1] Dr Hüperrealismus isch e Witerentwicklig vom Realismus und nooch zur Pop Art. Si Ideaal isch nit umbedingt en exakti, lääbensdröiji Nochbildig, wie si für e Realismus tüpisch isch, sonder e fotorealistischi Überstäigerig vo dr Wirklichkäit, en „überscherfti Realidäät“.[2] D Abstrakzioon wird abgleent.

E wäsentligs Elimänt vom Hüperrealismus isch, ass dr Künstler uf e subjektiivi Interpretazioon verzichdet.[3] Dr Hüperrealismus brucht Usdrucksmiddel vom Fotorealismus, wo d Bilder mit ere Gnauigkäit im Detäi gmoolt wärde, wo an e Fotigrafii erinneret.[4] Wäärend dr Fotirealismus brilliant und realistisch darstellt und vor allem will schöön si, zäigt dr Hüperrealismus d Wirklichkäit in ere chüele, brofaane, „überspitzt verstörende“ Form[1] und stellt d Froog noch em Wääse vo de Ding in e Konteggst, wo fast scho ironisch und existenzialistisch isch. D Landschaftsgmäld vom Gottfried Helnwein zum Bischbil si zum grösste Däil fotorealistisch, wil si in erster Linie „schöön“ si, und nit dr verstöörend Charakter vo sine Bordret häi. Die hingeege muess mä wäge de Narbe und Wunde, wo dr Künstler sichtbar macht, eender zum Hüperrealismus zelle; d Gränze si fliessend, und es isch „irrelevant, öb die Bilder fotigrafiert oder gmoolt si“.[5]

Liddratuur[ändere | Quälltäxt bearbeite]

  • Raimund Ilg: Kunstgeschichte im Überblick, Stark-Verlag
  • Peer Kriesel: Mehr als nur hyperrealistisch – Psychologischer Realismus geprägt durch Ron Mueck, Kunst- und Kulturgeschichte, FH Potsdam 2007
  • Harald Berendt: Werner Tübkes Panoramabild in Bad Frankenhausen, Verlag Ludwig, Kiel 2006
  • Peter Pakesch u. Bernhard Mendes Bürgi (Hrsg.): Painting on the Move, Schwabe Verlag, Basel 2002
  • Ritvan Sentürk: Postmoderne Tendenzen im Film, München 1998
  • Axel Hinrich Murken: Zwischen Surrealismus und Hyperrealismus, Dr. Schilke Medizinischer Verlag
  • Michael Freeman, Frank Baeseler: Die fotografische Idee: Bildkomposition und Aussage, Markt + Technik 2010

Weblingg[ändere | Quälltäxt bearbeite]

Fuessnoote[ändere | Quälltäxt bearbeite]

  1. 1,0 1,1 Künstlerverzeichnis Schlichtholz
  2. Kulturserver Niedersachsen: Realistische Malerei
  3. Prestel, Online-Künstlerlexikon
  4. Kulturserver Niedersachsen: Fotorealismus. Archiviert vom Original am 1. Mai 2013; abgruefen am 30. Januar 2012.
  5. Rainhold Misselbeck, Kurator Museum Ludwig, Köln
Dä Artikel basiert uff ere fräie Übersetzig vum Artikel „Hyperrealismus“ vu de dütsche Wikipedia. E Liste vu de Autore un Versione isch do z finde.