Hunspach

Technische Yschränkung:
Dr koräkt Titel wär: »Hunschpàch«

Koordinate: 48° 57′ 13″ N 07° 56′ 35″ O

Hunschpàch
Hunspach

Wappe

Kart

Basisdate

Communauté de communes du Pays de Wissembourg

Geographischi Lag:

48° 57′ 13″ N 07° 56′ 35″ O

Heh

160 m
(138 m–207 m)

Inwohner

668 (1. Jänner 2007) [1]

Flech

5,49 km²

Boschtleitzàhl

67250

INSEE-Code

67213

Maire (Bürgemeischter):
lfd. Amtszitt

Pierrot Billmann
2001-2008

Fachwerkhüser z Hunschpàch

Hunschpàch (IPA: [ˈhʊnʃbɑx]) isch e elsässischi Gmeind im Departement Bas-Rhin un ghört zum Kanton Sulz unterm Wald. Wi vili Dörfli im Elsass isch au Hunschpàch prägt vo de vile Fachwerkhüser. S Dorf gilt als eis vo de schönschte Dörfer z Frankriich un het de Titel vo eme Plus beau village de France.

[ändere] D Lag

D Chile vo Hunschpach

Hunschpàch ligt weschtlich vo de D 263 wo vo Waisseburch uf Hàwenau führt. Direkti Schtrosse gits uf Íngelse, Seebàch, Hoffe u Scheeneburi. D Gmeind ghört zum Parc naturel régional des Vosges du Nord em französische Teil vom Biosphärereservat Pfälzerwald-Nordvogese.

[ändere] Name

S erscht Mal gnännt wird Hunschpàch 1324 als Hunespach. Dr Name chunnt vomene voreuropäische Wort *(W)UN ("Hügel, Büel") mit em gallo-romanische Suffix -acum > *Un(i)acum. Sekundär isch e /h/ vorgstellt und s Suffix durch s dt. -bach ersetzt worde. Nach ere lokale Sag chunnt dr Name vomene Riis, wo "Huno" (dt. Hüne) heig gheisse.^[1]

[ändere] Gschicht

Im Jahr 1324 gaht s Dorf als Gschenk an s Herrschaftsgschlecht Puller vo dr Hohenburg. Sit 1504 het Hunschpàch zum Herzogtum Pfalz-Zweibrücke ghört. S Verwaltigszentrum isch Kleeburi gsi. 1611 isch Pfalz-Zweibrücke unter dr Söhn vom Herzog Johann I. ufteilt worde in drü Linie: Pfalz-Zweibrücken-Veldenz, Pfalz-Zweibrücken-Landsberg u Pfalz-Kleeburg. Hunschpach het zue dr letschtere ghört. Wel dr Herzog Johann Kasimir vo Pfalz-Kleeburg 1615 d Katharina, Prinzessin vo Schwede ghirate het, isch d Gmeind 1619 unter schwedische Herrschaft cho. 1633 isch Hunschpàch im Drissigjährige Chrieg vo chaiserliche Truppe niderbrennt worde. Noch em Chrieg hän Sidler us dr Schwyz Hunschpàch wider ufbout. 1788 het Schwede alli Recht uf d Herrschaft an Frankrich übergää. In dr französische Revolution isch s Biet am 4. März 1790 Teil vom nöie Département Bas-Rhin worde.

[ändere] Politik

Maire (Bürgermeischter) vo Hunschpàch isch de Pierrot Billmann. D Gmeind isch sit em 20. Juli 2000 Mitglid im Gmeindsverband Waisseburcher Land (Communauté de communes du Pays de Wissembourg).

[ändere] Fuessnote

↑ Urban 2003, S. 172

[ändere] Literatur

Hermann Gerst: Histoire de Hunspach et de la Paroisse de Hunspach, Hoffen, Ingolsheim. Oberlin, Strasbourg 1975
Michael Paul Urban: Lieux dits. Dictionnaire étymologique et historique des noms de lieux en Alsace. Édistions du Rhin, Strasbourg 2003