Hornussen

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Disambig.svg Dä Artikel behandlet e Sportart. Witeri Bedütige findt me do.

Hornusse isch en Mannschaftssport, wo hauptsächlich i de Schwizer Mittelland Kantön Bärn, Soledurn und Aargau betribe werd.

En Hornusser, churz bevor er mit em Trääf vom Stäcke de Nouss vom Bock is Ries beförderet.

Zum Hornusse bruchts en Nouss oder Hornuss, en Bock, wo de Nouss mit Chnätti platziert werd, en biegsame Stäcke mit eme Trääf vornedra, um de Hornuss chöne furt z schloo. Im Ries (Spielfäld) hät jede Fänger e Schindle, wo bim Spiil i d Luft ufe ghebt oder gworfe werd. D Mannschaft, wo uf de ganze längi vom Ries verteilt ufgstellt isch, versuecht mit de Schindle de Nouss abztue (berüere), bevor er uf de Bode gheit.

Bi de Mannschaft wo de Hornuss schloot, isch d Leischtig vom Einzelne gfrogt, bi de Mannschaft, wo de Nouss abtuet isch d Gruppeleischtig wichtig.

Hornusse werd i lokale Verein glärnt u güebt. Wettkämpf gits uf Kantonaler u Eidgenössischer Äbeni. S Hornusse isch näbed Schwinge ou e Bestandteil vom Eidgenössische Schwing- u Älplerfäscht.

Weblink[ändere | Quälltäxt bearbeite]

 Allmänd (Commons): Hornusse – Sammlig vo witere Multimediadateie