Hochi Möhr
| Hochi Möhr (Hohe Möhr) | ||
|---|---|---|
 Uussichtsdurm Hochi Möhr | ||
| Hechi | 953 m ü. NHN | |
| Lag | Schopfe, Lchr. Lörrach, Bade-Württebärg, Dütschland | |
| Geografischi Lag | 47° 41′ 37″ N, 7° 52′ 30″ O | |
| ||
Di Hochi Möhr isch e Bärg z Schopfe im Schwarzwald z Bade-Württebärg un hät e Höchi vu 983 Meter. Uff de Hoche Möhr isch e 30 Meter hoche Durm, wu vum Schwarzwaldverei 1924 bout worre-n-isch. Ußerdem isch bi 47° 41' 35" N, 7° 52' 26" E e Stahlfachwerchdurm, wu UKW-Wälle usstrahlt un vum SWR gnutzt wird. De Durm isch 77 Meter hoch un stoht fräi. Di usgstrahlte Brogrämm sin:
| Sändername | Frequänz | ERP |
|---|---|---|
| SWR 1 BW | 87,6 MHz | 100 W |
| SWR 3 | 96,8 MHz | 100 W |
| SWR 4 LÖ | 100,2 MHz | 100 W |
| Kanal Ratte | 104,5 MHz | 500 W |
D Ussichtsblattform isch uff rund 25 Meter. Bi schönem Wätter bietet sälli e Usblick uff d Schwizer Alpe, s Juura un d Vogese wie au uff s Wisedal, s Rhiidal, s Wehradal, de Hotzewald un uff d Schwarzwaldbärg.
Gschicht[ändere | Quälltäxt bearbeite]
1894 hät d Ortsgruppe Schopfe vum Schwarzwaldverei de Hochi-Möhr-Durm bout. Er hät im undere Deil 54 Stufe us Stei ghaa un im obere Deil 87 us Holz. 1921 isch er instandgsetzt worre, am 22. Juni 1922 isch e Blitz in en iigschlaa un er isch abbrännt. Im Johr druff hänn si en mit de Understützig vu de Gmeinde drum ume un zahlriiche brivate Spänder widderuffbout. Am 11. Mai 1924 isch er iigweiht worre.
1950 wird de Mantel us 25.000 Schindle erneuert. Dräi Johr spöter sin 10 Bänder us Iise um de Durm ume glèggt worre zum en stabilisiere. 1972 isch s Durmdach vu Grund uff renoviert worre. Di gröschti Sanierig hät zwüsche 1982 un 1983 stattgfunde, wiil de Durm wenig stabil gsì isch. S Änd vu de Sanierigsarbete, de 1. Mai 1983, isch mit em 100-Johr-Jubiläum vum Schwarzwaldverei zämmegfalle. Im Johr 1994 isch em Durm sii hundertjöhrigs Bstoh gfiirt worre. 2004 hän si en vu neuem renoviert.