Hnabi

Us der alemannische Wikipedia, der freie Dialäkt-Enzyklopedy

De Hnabi oder Nebi isch en alemannische Groof (comes) gsii.

Er het 720 bi de Noigründig vom Chloster Sanggale dör de St. Otmar mitgwürkt[1] und 724 zäme mit em fränkische Adlige Berthold bi de Gründig vom Chloster Reichenau dör de Pirmin[2]. Nochem Historiker Thegan isch er de Soo vom Huoching und de Enkel vom alemannische Herzog Gotfrid gsii und de Vatter vo de Imma, de Muetter vo de Hiltigart, wo de Chaiser Karl de Grooss ghüüroote het[3]. Im Riichenauer Verbrüederigsbuech trait er de Titel comes (»Groof«). Er isch au de Vatter vom Groof Hroadbert I. gsii.

Quelle[ändere | Quälltäxt bearbeite]

  1. v. Galli conf. tripl. 319
  2. Hermann de Laami: Augien. Chronic. 98 (Bertholdo et Nebi principibus)
  3. Thegan: v. Hludowici 590f c. 2