Historisches Museum Basel

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dialäkt: Baseldütsch

S Historische Museum Basel isch eins vo de grösste und bedütendste Museä vo deren Art in dr Schwiiz. Dr Hauptbau befindet sich an dr Barfüesserchille im Zentrum vo dr Stadt Basel. Er isch uf dr Liste vo de Kulturgüeter vo nazionaaler Bedütig.

S Museum[ändere | Quälltäxt bearbeite]

Im Historische Museum het s die umfassendsti kulturhistorischi Sammlig am Oberrhii und si Usstelligsflechi bedräit öbbe 6200 .

S Museum isch en eigeständigi Institution und dr Dräger isch dr Kanton Basel-Stadt. Es isch 1894 us dr Mittelalterlige Sammlig, wo vo 1856 stammt, usegwachse. Si Ursprung het s aber, wie s Kunstmuseum Basel, in dr bürgerlige Kunstkammere vo dr Familie Amerbach im 16. Johrhundert.

S Museum verdeilt sich uf vier interessanti Usstelligsgebäud. Drei drvo befinde sich im Zentrum vo dr Stadt und eis e chlii usserhalb.

D Barfüesserchille[ändere | Quälltäxt bearbeite]

Gschicht[ändere | Quälltäxt bearbeite]

En Inneaasicht uf ere Postcharte vo 1894

Dr Bättelorde vo de Franziskaner het 1298 die spootgotischi Barfüesserchille baut. Wo d Franziskaner d Chille ufgee hai, isch si anderwiitig bruucht worde. Vo dr Middi vom 19. Johrhundert aa isch d Chille e Zit lang e Salz- und Warelager gsi. Wo d Kandidatur vo Basel für e Standort vom ene Schwiizerische Landesmuseum gschiiteret isch, het mä s Historische Museum in dr Barfüesserchille iigrichdet. Für zum d Usstellflech$ie z vergrössere, het mä in de Siteschiff Empore iibaut. Zwüsche 1975 und 1981 het mä wäge de Salzräste, wo immer no gwirkt hai, s Museum müesse restauriere und mä het d Sammlig neu gordnet. D Empore in de Siteschiff si usegrisse worde und dr Chilleruum isch «resakralisiert» worde. Mä het au s usgstellte Museumsguet verchliineret und e Deil drvo in Chäller, wo neu baut worden isch, verleit.

S Usstelligsguet[ändere | Quälltäxt bearbeite]

D Usstellig in dr Barfüesserchille zeigt Zügniss vo dr Kunst vom Kunsthandwerk und vo dr Alldagskultur. Dr Schwerpunkt lit im Mittelalter, in dr Renaissance und bis in d Zit vom Barock. Si bietet en Iiblick in d Gschicht vo dr Stadt Basel und in die vom Oberrhiigebiet.

Beachtenswärt si vor allem:

S Huus zum Kirschgarte[ändere | Quälltäxt bearbeite]

D Stäge vom Huus zum Kirschgarte

Gschicht[ändere | Quälltäxt bearbeite]

S Huus zum Kirschgarte isch zwüsche 1777 und 1780 für e Bändelherr (Siidebandfabrikant) und Oberst Johann Rudolf Burckhardt baut worde. S Huus gältet as s vornähmste Bürgerpalais vo Basel und dr Architekt isch dr Ulrich Büchel gsi. Es het e baar mol dr Bsitzer gwächslet und isch 1951, zsämme mit em Nochbarhuus, em chliine Kirschgarte, as Wohnmuseum iigrichtet worde.

S Usstelligsguet[ändere | Quälltäxt bearbeite]

D Helfti vo de 50 Usstelligsrüüm isch de bürgerlige Wohnrüüm vom 18. und 19. Johrhundert z Basel gwidmet und isch dur bedütendi Fachsammlige erwiiteret worde.

Sehnswärt si vor allem:

S Musigmuseum[ändere | Quälltäxt bearbeite]

Dr Lohnhof am Chohlebärg mit em Musigmuseum im Zälledrakt

Gschicht[ändere | Quälltäxt bearbeite]

Im Stadtzentrum über em Barfüesserblatz, vis-a-vis vo dr Barfüesserchille, befindet sich dr Gebäudekomplex vom mittelalterlige Chorherrestift St. Leonhard. Vo 1669 aa hai dört d Lohnherre (d Vorsteher über s Bauwäse) ihre Sitz gha und dorum heisst dr Komplex Lohnhof. Vo 1835 bis 1995 isch s e Gfängnis für Untersuechigshäftling gsi. Es isch in grösserem Usmass um- und usbaut worde, unter anderem 1852–1855 und 1897. Wo s Gfängnis ufghobe worden isch het mä dr Lohnhof vo 1996 bis 2000 zu Wohnige, eme Hotel und e Musigmuseum im ehemolige Zälledrakt umbaut. Im Johr 2000 isch s Musigmuseum eröffnet worde.

S Usstelligsguet[ändere | Quälltäxt bearbeite]

In 21 Zälle wärde fümf Johrhundert vo dr europäische Musiggschicht zeigt, mit de drei Schwerpünkt:

Über e multimedials Informationssystem cha drbii d Wält vo de Instrumänt aural erfahre wärde. Es het meh as 650 Instrumänt.

S Kutschemuseum[ändere | Quälltäxt bearbeite]

Lag und Gschicht[ändere | Quälltäxt bearbeite]

S Kutschemuseum befindet sich in ere Schüüre im ehemolige Merianische Landguet Brüglige z Münchestei am südöstlige Stadtrand vo Basel. S Gebäud und s Areal ghöre dr Christoph Merian Stifdig. Ss Kutschemuseum isch 1981 as vierts Usstelligsgebäud vom Historische Museum Basel eröffnet worde.

In de Johr 1837–1839 het dr Basler Archidekt Melchior Berri im Ufdrag vom Christoph Merian nördlig vom Herrschaftshuus Villa Merian, im Vorder-Brüglige, e Pächterhuus mit eme Ökonomiigebäud baut. Dr ursprüngligi Bau vo dr erste grosse Schüüre isch 1905 abebrennt. Dr stattligi Ersatzbau datiert vo 1906.

S Usstelligsguet[ändere | Quälltäxt bearbeite]

Im Museum cha mä gseh:

Die Dransbortmiddel, us Basler Privatbsitz, dokumentiere dr Verchehr und d Mobilität vom 18. bis 20. Johrhundert, bevor dr Verbrennigsmotor si Siigesyug aagfange het. Drnäbe het s au verschidnigs Kutsche- und Fuehrwärk-Gschirr.

Weblingg[ändere | Quälltäxt bearbeite]

 Allmänd (Commons): Historisches Museum Basel – Sammlig vo witere Multimediadateie
Dä Artikel basiert uff ere fräie Übersetzig vum Artikel „Historisches_Museum_Basel“ vu de dütsche Wikipedia.

E Liste vu de Autore un Versione isch do z finde.