Hispaniola

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Hispaniola
Topographischi Charte
Topographischi Charte
Gwässer Karibischs Meer
Inselgruppe Grossi Antille
Geographischi Lag 19° 0′ N, 70° 40′ W19-70.6666666666673098Koordinaten: 19° 0′ N, 70° 40′ W
Lag vu Hispaniola
Flechi 76.480 km²
Hechschti Hebig Pico Duarte
3.098 m
Iiwohner 18.466.497 (2005)
241 Iiwooner/km²
Hauptort Santo Domingo / Port-au-Prince

Hispaniola (span. La Española „die Spanischi“) oder Kiskeya (in dr Sprooch vo de Taínos), span. Quisqueya, isch mit ere Flechi vo öbbe 76.480 km² die zweitgrössti vo de Westindische Insle und au vo de Grossen Antille. Uf dr Insle lige d Staate Haiti und die Dominikanischi Republik.

Geografii[ändere | Quälltäxt bearbeite]

Öbbe 90 km westlig lit die grössti Antilleninsle Kuba und s chliinere Jamaika, 120 km östlig Puerto Rico, 250 km nördlig d Gruppe vo de Turks- und Caicosinsle und 180 km nordnordwestlig d Inselgruppe Inagua. Hispaniola isch vo Oste uf Weste 600 km lang und 250 km vo Norde uf Süde. Si het d Form von ere Hand wo gege Weste offen isch, wobii zwei gebirgigi Halbinsle wiit gege Kuba bzw. Jamaika uusestöhn. Nume dr Oste isch relativ flach und im Norde e Längsdaal, wo zwüsche zwei Bärgchettene lit.

Politischi Gliiderig[ändere | Quälltäxt bearbeite]

Die Dominikanischi Republik und Haiti

Dr grösseri östligi Deil vo dr Insle bildet hüte die Dominikanischi Republik, dr chliineri westligi Deil d Republik Haiti.

Bevölkerig[ändere | Quälltäxt bearbeite]

Hispaniola het öbbe 20 Millione Iiwohner, meh as alli andere Insle in de Antille.

Land Flechi in km² Iiwohner (2009) Bevölkerigsdichti
(Iiw. pro km²)
Dominikanischi Republik 48.730 10.090.000 173
Haiti 27.750 9.776.206 352
Hispaniola 76.480 19.866.206 260

Ursprung vo de Näme[ändere | Quälltäxt bearbeite]

Die Iiheimische hai dr Insle Aytí gsait, do drus isch die hütigi Bezeichnig „Haiti“ entstande. Mit Haiti osch also ursprünglig die ganzi Insle gmeint gsi.

Dr Christoph Kolumbus het dr Insle dr Name La Isla Española („die spanischi Insle“) gee. D Ängländer hai das zu Hispaniola („Chliispanie“) verballhornt.

D Insle Hispaniola isch in dr Kolonialzit politisch in e spanische Ostdeil, Santo Domingo (oder San Domingo) gnennt (noch dr Stadt mit däm Name), und e französische Westdeil, Saint Domingue (oder Saint-Domingue), drennt gsi. Us em Ostdeil isch die Dominikanische Republik entstande, us em Westdeil Haiti, wo für e Zit in s nördlige Nord-Haiti und die südligi Mulatte-Republik deilt gsi isch.

Weblingg[ändere | Quälltäxt bearbeite]

 Allmänd (Commons): Hispaniola – Sammlig vo witere Multimediadateie

Fuessnote[ändere | Quälltäxt bearbeite]