Himmelblauer Bläuling

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Himmelblaue Bloilig
Lysandra bellargus M 1.jpg

Himmelblaue Bloilig (Polyommatus bellargus)

Systematik
Chlass: Insekte (Insecta)
Ordnig: Falter (Lepidoptera)
Familie: Bloilig (Lycaenidae)
Underfamilie: Polyommatinae
Gattig: Polyommatus
Art: Himmelblaue Bloilig
Wüsseschaftlige Name
Polyommatus bellargus
(Rottemburg, 1775)

De Himmelblau Bloilig (Lysandra bellargus) isch e Summervogel.

Verbraitig[ändere | Quälltäxt bearbeite]

De Himmelbalu Bloilig lebt i Mittel- un Südeuropa, feelt aber z Süüdgriecheland und z Süüditalie. Er mag chalchhatlige Bode.

Uussie[ändere | Quälltäxt bearbeite]

De Himmelblau Bloilig isch e blaue Summervogel mit ere Spannwiiti vo 30 bis 35 mm. S Mandli het himelblaui Flügel mit eme wiisse Rand und emene dünne fiine schwaze Trennstrich. Au de Körper isch blau. Wiibli hend bruuni Flügel miteme liechte blaue Schimmer.

Jooreszyklus[ändere | Quälltäxt bearbeite]

D Aier wered im Mai und Juni ainzeln glait und d Raupe schlüffed noch zwoo bis drai Wuche. Nocheme Monet tüend si sich verpuppe. De Falter schlüüfft noch drai Wuche. Im Augste wered nomol Aier glait und di zwoot Raupegeneratio schlüfft im September. Si öberwintered und wered erst im Früelig uusgwachse und tüend sich denn verpuppe.

Raupe[ändere | Quälltäxt bearbeite]

D Raupe werd 16 mm lang, si isch hoorig und dunkelgrüe. Si isch uf Schmetterlingsblüetler (Faboideae) spezialisiert und fresst vor alem Schlössli (Hippocrepis comosa), Wald-Zist (Stachys sylvatica), Chronwicke (Coronilla) und Ginster (Genista)