Hilf:Symbolliiste

Us der alemannische Wikipedia, der freie Dialäkt-Enzyklopedy

S MediaWiki stellt zum Bearbeite zwei Wärchzügliiste zur Verfiegig. Ußerdem gitt's mehreri externi Erwiterige.

Bearbeitigswärchzügliiste[ändere | Quälltäxt bearbeite]

In de aktuälle Browser (Firefox ab Version 2, Internet Explorer ab Version 7, Opera ab Version 6.9 un anderi)wird übber em Bearbeitigsfänster di neui Liiste mit Wärchzüg zum Bearbeite aazeigt. Dezüe gitt's erwiterti Funktione, Liste mit Sunderzeiche un Hilf für Aafänger. In de Iistellige chönne aagmäldeti Benutzer festlege, dass d'Wärchzügliiste standardmäßig ii- odder usbländet wird. Wär si usbländet, griegt (wie in eltere Browser) di alti Liiste aazeigt, abber au die cha mer in de Iistellige usblände loo. Natürli cha mer d'Funktione all no verwände, numme mien si vu Hand ins Bearbeitigsfänster gschribe were.

Wenn de d'Wärchzügliste bruuche wottsch gò e Tekschtabschnitt formatiere, no markiersch en un drucksch uff di entsprächendi Schaltflächi. De chasch au zerscht uff d'Schaltflächi drucke un de Bispiltekscht, wu deno aazeigt wird, durch dii eigene ersetze. Indemm mer uff d'Schaltfläche fahrt ohni z klicke, wird e churzi Erchlärig dezüe aazeigt.

Icon Funktion Quälltext Aazeig Aamerchige
Fätt Fätt '''Fätte Tekscht''' Fätte Tekscht
Kursiiv Kursiiv ''Kursiive Tekscht'' Kursiive Tekscht
Link (externi) Weblinks un (interni) Verwiis [http://www.example.com Link-Tekscht] bzw. [[Linktitel]] Link-Tekscht bzw. Linktitel Wenn Dialog deaktiviert sin, no were für di externe un interne Verwiis zwei Symbol uffgfiehrt.
Iibetteti Datäi Datäi (Bild) iisetze [[Datei:Beispiel.png|miniatur]]
miniatur müeß mer vu Hand driischriibe
Beleg Einzelnochwiis iifiege <ref>Füeßnotetekscht</ref> Tekscht[1]
Einzelnochwiis
  1. Füeßnotetekscht
wird nit uff Diskussionssite aazeigt. S <references /> am Änd vu de Site müeß vu Hand iigfiegt were.
Unterschrift un Zitstämpel Unterschrift --~~~~ --Dii Nutzernamme 11:31, 19. März 2024 wird nit in Artikel aazeigt

Wenn de uff „Erwyteret“ gohsch, no were no meh Funktione aazeigt. Wenn de öbbis usprobiere wottsch, no chasch des uff em Sandchaste, unserer Testsite, mache.

Süeche un Ersetze[ändere | Quälltäxt bearbeite]

In de erwiterte Liiste hät's ganz dusse e Funktion zum Süeche un Ersetze. Die sottsch vorsichtig iisetze, wiil si no i'me-ne Teststadium isch. Bi gwüsse Browser wird si gar nit erst aazeigt, wiil si z viil Problem veruursacht.

  • Wenn de Tekscht gfunde wore isch, no wird er im Hintergrund markiert. Viilmol bassiert säll hinter em Dialogfänster, mer cha's abber verschiebe. Im Internet Explorer un im Safari gitt's no meh Problem (Bugzilla:22801).
  • In mänke Browser cha mer d'Ersetzig nit ruckgängig mache. We'mer e bstimmte Usdruck übberall ersetzt, no müeß mer's einzeln zrucksetze (Bugzilla:23509, Bugzilla:23510).
  • E Funktion wie Ersetz un süech witer gitt's im Gegesatz zu andere Aawändigen nit, mer cha numme alli Träffer ersetze odder de nechst, ohni dass mer vorhär weiß, ob mer en wirkli ersetze wott (Bugzilla:20919).
  • Es hät kei Option, numme ganzi Wörter z süeche, mer müeß sich mit eme \b vor un hinter em Wort hälfe (Bugzilla:22478).
  • Als reguläre Usdruck wird alles züegloo, was im Javascript an reguläre Usdrück vorchuu darf (Hilf uff Selfhtml, d'Usdrück were ohni di beide Schregstrich vorne un hinte iigee).
  • We'mer reguläri Usdrück mit gchlammerte Deilusdrück ersetzt, no cha mer bi Ersetz durch $1, $2 uew. verwände gò di jewiilige Träffer ersetze.

Di sognännte Edittools sin unter em Bearbeitigsfänster. Do sin Schaltfläche für d'Iigab vu de Umlut un andere Sunderzeiche (bsunders für usländischi Tastatuure hilfriich), Aafiehrigszeiche, Hochkommata, Bindestrich usw. Wenn de druffklicksch, no wird's an de aktuälle Cursorposition iigsetzt.

In de alemannische Wikipedia hät's ußerdemm unterhalb vu de Speichere-Schaltflächi no dräi Liiste. Di ersti hät no meh Sunderzeiche, di nechsti wichtigi Vorlage, di dritti wiisd uff d'Lizänzbedingige hii, wu de dii Tekscht drunter iistellsch.