Hilfe:Kategorien

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Die Site bschribt s technisch Vorgoh bim Kategorisiere vu Site. Für d'Grundsetz un Regle zur Kategorisierig lüeg unter Wikipedia:Kategoriie.

Kategorisierig vu-n-ere Site[ändere | Quälltäxt bearbeite]

1. Weli Site were kategorisiert?

  • Artikel
  • Nutzersite (fräiwillig; durch Babel-Vorlage)
  • Bilder (lüeg Kategorie:Wikipedia:Bild)
  • Hilfsite
  • Liste
  • Portäler
  • Vorlage

2. Uswahl vu de Kategoriie

E Site sott grundsetzlig in mögligst viile Kategoriie uffglistet were, wiil si eso au öfter gläse wird. Wenn si in ere Kategorii isch, no sott si nit au no in einer vu de Übber- odder Unterkategoriie devuu sii. Numme wenn e Artikel s Thema vu de Unterkategorii isch, darf er in säller Unterkategorii un de Kategorii drübber iigordnet were (Bsp.: wenn de d'Kategorii Lörrach aalèggsch, no wird de Artikel säller un de Kategorii Ort (Landkreis Lörrach) züegordnet.

Noch Kategoriie süeche

Uff Kategorie:!Hauptkategorie findsch de Kategoriiebaum, wu dr d'Struktuur vu de Kategoriie uff de alemannische Wikipedia aalüege chasch. Wenn de e neui Kategorii aalèggsch, no lis zerst d'Richtlinie zu de Kategoriie un entscheid uffgrund vu demm, ob die Kategorii sinnvoll isch.

3. Züeordne zu Kategoriie Zur Übbersichtligkeit wird's empfohle, d'Kategoriie ziilewis noch em Änd vum Artikeltekscht un eventuälle Navigationsliiste, abber vor Personedate un Interwiki-Links z setze. Für e Site z kategorisiere, fiegsch folgende Tekscht züe: [[Kategorie:Xyz]].

4. Züeordnig priefe

Wenn de uff d'Vorschaufunktion gohsch, no were alli Kategoriie am Änd vum Fänster aazeigt. Bitte nümm roti Kategoriielinks uuse odder korrigier si, wiil si aadüte, dass es sälli Kategorii nit gitt. D'Kategorii verwiisd uff d'Kategoriiesite; dört sin alli Artikel in alphabetischer Reihefolg uffglistet, wu de Kategorii züegordnet sin.

Sortierig in ere Kategorii[ändere | Quälltäxt bearbeite]

Wenn de nütt Bsunders aagissch, no were Artikel noch em Titel sortiert. Säll chasch ändere, indemm de äntwäder s Schlüsselwort {{DEFAULTSORT:Abc}} iifiegsch (normalerwis übber de Kategorii) odder [[Kategorie:Xyz|Abc]] statt [[Kategorie:Xyz]] schribsch (wenn noch Abc sortiert were soll). S erst gältet für alli Kategoriie, müeß also numme eimol gschribe were, degege chasch mit em zweite bstimme, in weler Kategorii wie sortiert were soll. Wenn de di zweiti Variante nümmsch, no chasch vor s Abc no e Läärzeiche iifiege, sodass de Artikel vor alle andere uffglistet wird odder e Usrüefezeiche für e eigeni Übberschrift !.

Mänki Wikipedias hänn strikti Regle zur Sortierig; bi de alemannische Wikipedia gitt's keini sonige Abmachige, de sottsch abber zur eiheitlige Sortierig uff Folgendes achte:

  • Artikel übber Persone were noch em Muster Nochnamme, Vornamme sortiert, au wenn de Titel allewiil in de Reihefolg Vornamme Nochnamme isch.
  • Liste were noch demm Deil vum Lemma gordnet, wu bschribt, was uffglistet wird (sust wäre si in ere Kategorii alli unter L' wie Liste).
  • Wenn e Titel mit eme (alemannische odder främdsprochige) Artikel (de, d', s, e, ...) aafangt, no wird noch em Deil noch em Artikel sortiert; de Artikel sälber wird mit mit em Nummerezeiche (#) abdrännt ans Änd gstellt. Eso isch es eifacher, ähnligi Lemmata z finde.
  • Wenn e Site nit im Artikelnammensruum isch, no wird noch demm Deil noch em Doppelpunkt kategorisiert (Bsp.: Hilfe:Kategorien unter Kategorien).

Aalege vu Kategoriie[ändere | Quälltäxt bearbeite]

Wenn de e neui Kategorii aalege wottsch, no rüefsch d'Site Kategorie:<Namme> uff un erstellsch si. Vorhär sottsch abber d'Kategorii in ei odder mehreri anderi Kategoriie iiordne, sodass mer si au findet; des machsch, indemm de wie in ere Artikel- odder andere Site [[Kategorie:Xyz]] züefiegsch. Unterkategoriie were uff de Kategoriiesite ganz obe uffglistet.

Umbenänne vu Kategoriie[ändere | Quälltäxt bearbeite]

Kategoriie chönne nit (wie Artikelsite un sonigi us eme andere Nammensruum) verschobe were. Mer müeß si manuäll neu aalege, di alti lösche un alli Artikel vu Hand umkategorisiere.

Kategoriie usblände[ändere | Quälltäxt bearbeite]

Als aagmäldete Nutzer cha mer d'Aazeig vu de Kategoriie abschalte, indemm mer sini Skin-Datäi mit folgender CSS-Aawiisig ergänzt:

#catlinks { display: none; }

Witerleitige für Kategoriie[ändere | Quälltäxt bearbeite]

Es isch nit sinnvoll, für e Kategorii e Witerleitig aazlege, wiil Artikel nit in d'Ziilkategorii iigordnet, sundern numme unter de Witerleitig uffglistet were. Zudemm sin Artikel liichter z finde, wenn si an einem zentrale Platz sin.

Praktischi Tipps[ändere | Quälltäxt bearbeite]

Problem: De wottsch zum Bispil e Artikel zu'me-ne Jugendbüechautor us em 20. Johrhundert kategorisiere, weisch abber nit, wuane.

Lösig: Rief de Artikel vu'me-ne andere Jugendbüechautor vum 20. Johrhundert uff un lüeg, wie dä kategorisiert isch.

Lüeg au[ändere | Quälltäxt bearbeite]