Hilf:Biecher/Froge und Antworte

Us der alemannische Wikipedia, der freie Dialäkt-Enzyklopedy

D'Büechfunktion

Spezial:Büech

Froge zu druckte Biecher[ändere | Quälltäxt bearbeite]

Wie chann ich e druckts Büech bstelle?[ändere | Quälltäxt bearbeite]

Druckti Biecher chasch bi de PediaPress bstelle, indemdr eifach uff de Site Spezial:Sammlig (Büechfunktion-Site) uff d'Schaltflächi „Bstell Buech bi PediaPress“ klicksch. S Brogramm ladet dodruff hy dy Büech und analysiert's. Jetz chasch e Land wähle; deno zeigt's dr a, wie vyli Site s Büech wohrschints hät und was es chostet. An derre Stell chasch au de Titel und de Undertitel und (optional) de Herusgeber ändere. Über d'Vorschaufunktion sihsch zimlig güet, wie s Büech nochher ussiht; d'Form isch nit mit säller vo de PDF-Version idäntisch. Wenn's dr züesait, no chasch s Büech in de Warekorb lege und bstelle.

Amerkige[ändere | Quälltäxt bearbeite]

  • De chasch ändwäder mit Kreditkarte oder mit PayPal zahle.
  • Es goht öbbe zwei Werkdag, bis d'Biecher druckt und abgschickt sin. Wie lang d'Bost brucht, hängt vom Zylort ab (normalerwis 2 bis 10 Dag). Verschickt werre d'Biecher vo London.

Wie wird s Büech broduziert[ändere | Quälltäxt bearbeite]

E druckts Büech vo de PediaPress

Für d'Erstellig vo-n-re digidale Druckvorlag brucht d'PediaPress s Tekschtsatzsystem TeX. D'Biecher werre uff Afrog druckt. Si sehe vo usse wie chlassischi Biecher, allerdings handelt's sich bi jedem devo um e Unikat.

Eigeschafte vo de Biecher
  • Inhalt
    • Inhaltsverzeichnis
    • di gwählte Artikel
    • Lizänzinformatione
    • Index
  • Format A5
  • Schwarz-wiß-Druck
  • Umfang 48-428 Site

In dem Bispylbüech siht mer, wie de Satzspiegel vo druckte Biecher ussiht.

Was chost e druckts Büech?[ändere | Quälltäxt bearbeite]

Sitezahl Choste
100 8€
200 11€
300 14€
400 17€
500 20€
600 23€
700 26€

D'Choste für druckti Biecher richte sich noch ihrer Sitezahl (vgl. Tabälle); dezüe chömme drei Euro für de Versand. Zäh Brozänt vom Brys gönn an d'Wikimedia Foundation. De griegsch meh Büech für s Gäld, wenn dr größeri Biecher zämmestellsch. E hundertsitigs Büech chost acht Euro, bi größere Biecher erhöht sich de Brys numme no um drei Euro bro hundert Site.

Wenn dr de Brys und d'Sitezahl vo dinem Büech seh wottsch, no findsch es uff de Internetsite vo de PediaPress, wo dr über d'Schaltflächi „Bstell Buech bi PediaPress“ uff de Site Spezial:Sammlig erreichsch.

Wie werre d'Biecher verschickt?[ändere | Quälltäxt bearbeite]

Je noch Zylort werre d'Biecher vo Ängland oder uss de USA verschickt. Je noch Zylort belauft sich d'Laufzit uff zwei bis zäh Dag. Z Dütschland stellt di dütschi Bost oder d'DHL d'Biecher züe.

Wer isch d'PediaPress?[ändere | Quälltäxt bearbeite]

D'PediaPress isch e Dienstleistig, wo Biecher uss Wiki-Inhalt druckt. Es bstoht sit em Dezämber 2007 e Langzitkooperation mit de Wikimedia Foundation, wo s Zyl hät, Wikimedia-Inhalt als hochwertigi Druck-Erzügniss oder Tekschtdokumänt bereitzstelle.

Verdiefti Informatione zu de PediaPress findet mer do. De Firmesitz vo de PediaPress isch z Mainz.

Chann i my Büech bi de PediaPress im Katalog veröffentlige?[ändere | Quälltäxt bearbeite]

Automatisch isch säll im Momänt uss technische Gründ no nit möglig, es isch aber in Blanig.

Froge zum PDF-Export[ändere | Quälltäxt bearbeite]

Wiso werre d'Artikel nit eso dargstellt wie im Internetbrogramm?[ändere | Quälltäxt bearbeite]

E PDF hät keini Bildlaufleiste; de Inhalt wird uff mehreri Site verdeilt dargstellt. Für e gschyte Satzspiegel, wo zum Bispyl „Hurechinder und Schüesterbüebe“ vermyde werre, wird d'Darstellig noch andere Kriterie usgrächnet.

Durch ihri Struktur chönne d'Wiki-Inhalt im Internetbrogramm optimal dargstellt werre. We'mer si uff einzelni Site zwingt, no cha's vor allem bi Tabälle Darstelligsbroblem gee.

Git's Mögligkeite, s Erschynigsbild z verbessere?[ändere | Quälltäxt bearbeite]

Jo, lüeg Hilf:Biecher/für Experte.

Froge zum OpenDokument-Text-Export[ändere | Quälltäxt bearbeite]

Was isch e OpenDocument-Text?[ändere | Quälltäxt bearbeite]

OpenDocument Text isch e Dateiformat noch em offene Standard ODF (OASIS Open Document Format for Office Applications). Mer cha si under anderem mit em Brogramm OpenOffice.org läse, ändere und schrybe.

S Abspeichere vo me Büech in sällem Format isch z empfehle, we'mer denoch no öbbis ändere wott.

Mit welle Brogrämm chann ich des Format läse?[ändere | Quälltäxt bearbeite]

De chasch's zum Bispyl mit em frei verfiegbare OpenOffice uffmache. Witeri kompatibli Tekschtverarbeitisbrogrämm findsch do. Für s Word git's e ODF-Erwiterig, wo s Dokumänt kompatibel macht.

Allgemeini Froge zu de Büechfunktion[ändere | Quälltäxt bearbeite]

Wo find ich d'Biecher vo andere Nutzer?[ändere | Quälltäxt bearbeite]

Alli gspeicherte Biecher findsch in de Kategorie:Wikipedia:Buechfunktion.

Wie wird mer de Aforderige vo de GNU-Lizänz für freii Dokumentation grächt?[ändere | Quälltäxt bearbeite]

Im PDF-Export[ändere | Quälltäxt bearbeite]

  • Am Änd vom Artikel isch e Link zu de verwändete Version z finde.
  • Es werre bi jedem Artikel alli Bearbeiter gnännt.
  • Alle Bilder wird e Link uff d'Bschrybigssite vo de verwändete Dateiversion uff de Allmänd (Commons) byglegt.
    • Achtig: D'Bildautore und -lizänze werre in de PDF-Datei im Momänt nit agee, sodass mer bebilderti Biecher nit lizänzkonform verwände cha.
  • De (änglischsprochig) GFDL-Tekscht wird abdruckt.

In druckte Biecher[ändere | Quälltäxt bearbeite]

  • Am Änd vom Artikel isch e Link zu de verwändete Version z finde.
  • Es werre bi jedem Artikel alli Bearbeiter gnännt.
  • Alle Bilder wird e Link uff d'Bschrybigssite vo de verwändete Dateiversion uff de Allmänd (Commons) byglegt.
  • Bi jedem Bild werre alli Bearbeiter und d'Lizänz(e) gnännt.
  • De (änglischsprochig) GFDL-Tekscht wird abdruckt.

Chann ich d'Büechfunktion au in minem MediaWiki verwände?[ändere | Quälltäxt bearbeite]

Jo, d'Büechfunktion basiert uff em umfangryche Open-Source-Brojäkt (mwlib).

MediaWiki-Bedryber chönne d'Erwiterig uff de Bschrybigssite uff mediawiki.org konsultiere.

Welli bekannte Yschränkige git's?[ändere | Quälltäxt bearbeite]

Ygschränkti Understützig vo de Oberflächi („Skin“)[ändere | Quälltäxt bearbeite]

D'Funktion git's bisher numme in de Monobook- und Modern-Nutzeroberflächi. Wer e anderi Nutzeroberflächi hät, cha si zitwis uff Monobook ändere, wenn er s Büech erstellt.

Begränzig vo de Büechgrößi[ändere | Quälltäxt bearbeite]

Im Momänt cha e Büech nit meh wie 500 Artikel enthalte. Dänk bitte dra, dass großi PDF-Dateie länger bruche zum generiert werre und d'Dienschträchner vo-n-ne zimlig belastet werre. Düe d'Kollektione drum uff mehreri chleineri Biecher uffdeile. Druckti Biecher chönne uss bis zu achthundert Site bstoh.

Fustregle: Im Durchschnitt isch e Artikel vier Site lang. Sälli Fustregle isch aber nit züeverlässig, wyl d'Artikel verschyde lang sy chönne.

Darstellig vo Infochäste und große Tabälle[ändere | Quälltäxt bearbeite]

Infochäste sehe in de PDF-Datei nit so schön us wie im Internetbrogramm, wyl si nit usgrichtet werre; d'Babiergrößi vo de einzelne Site sin im PDF fix. Sällewäg müeß mer bi de Darstellig vo-n-re große Tabälle Kombromiss ygoh, was zum Deil züe-n-re unerwartete Darstellig fiehrt.

CSS & HTML[ändere | Quälltäxt bearbeite]

Wenn in Artikel oder Vorlage CSS oder HTML enthalte isch, no cha säll vo de PDF-Datei numme zum Deil interbretiert werre. Vorlage chönne an de Druck abasst werre; eso vermydet mer mögligi Broblem.