Hilfe:Benutzernamen ändern

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Uff derre Site wird erchlärt, wänn un wie mer sii Nutzernamme cha ändere loo. Gò e Nammensänderig beaadrage, wändsch di an eine vu de Bürokrate, e Aadragssite gitt's uff de alemannische Wikipedia nit.

Wär cha umbenänne?[ändere | Quälltäxt bearbeite]

Sit Aafang Juuli 2005 chönne d'Bürokrate unter gwüsse Bedingige de Namme vu'me-ne Nutzer uff ihrem Brojäkt ändere. Dodefür verwände si d'Site Spezial:Renameuser.

Zwei Nutzerchonte zämmefiehre[ändere | Quälltäxt bearbeite]

Numme Entwickler chönne zwei Nutzerchonte zämmefiehre, wiil säll e Abfrog uff verschidene Tabälle vu de Datebank bruucht. Wiil e Zämmefiehrig uffwendig isch, chömme di meiste Aafroge nit duure.

Nutzerchonto lösche[ändere | Quälltäxt bearbeite]

Mer cha kei Nutzerchonto lösche. Wenn de bi de Wikipedia uffhöre wottsch, no lüeg uff Nutzerchonto stilllege, was de mache chasch.

Logbiecher[ändere | Quälltäxt bearbeite]

Sit em 27. Juuli 2005 were Umbenännige im Logbüech für d'Nutzernamensänderige dokumentiert.

Anonymitet[ändere | Quälltäxt bearbeite]

Wenn dii Nutzernamme gändert wird, no cha jede e entsprächende Iidrag im Nutzernamensänderigs-Logbüech seh, wu dii alte un dii neue Nutzernamme gnännt wird. Wenn de nit wottsch, dass di beide Chonte mitenand in Verbindig brocht were, zum Bispil wiil s alt Chonto dii ächte Namme enthaltet, no sottsch dii Namme nit ändere loo, sundern e neus Chonto aalege un s alt nümi bruuche.

SUL („Single User Login“)[ändere | Quälltäxt bearbeite]

Wenn dr dii alte Namme uff no meh Wikimedia-Brojäkt (z. B. Commons, Wiktionary) verwändsch, no müesch en zerscht übberall umbenänne. D'Site fürs Beaadrage findsch übber d'Interwikis uff de linke Site. Deno chasch d'Chonte widder zämmefiehre loo. Alli dini aktiive SUL-Chonte findsch uff de Spezialsite Spezial:Benutzerchonte zämmefiere.

Unterschrifte[ändere | Quälltäxt bearbeite]

Bi-n-ere Änderig vum Nutzernamme ändert sich d'Züeordnig vu de Biidreg in de Versionsgschicht. D'Gleicher in de Unterschrift uff Diskussionssite zeige all no uff dini alti Nutzersite, au wenn d'Umbenännig duuregfiehrt wore-n-isch.

Witerleitig uff di neui Nutzersite[ändere | Quälltäxt bearbeite]

Sott sich noch de Umbenännig öbber anders mit dinem alte Namme aamälde, no verwiise di alte Diskussionsbiidreg uff ihn. Für Missverständniss un Uuchlorheite z vermiide, gitt's sälli Mögligkeite:

Bi wenige Diskussionsbiidreg[ändere | Quälltäxt bearbeite]

Wenn de numme wenigi Unterschrifte hinterloo häsch, no chasch sälli noch de Umbenännig alli einzeln vu Hand korrigiere. Dodebii sottsch e Änderigskommentar iigee, zum Bispil Nutzername gändert, lüeg Spezial:Log/renameuser.

Bi viile Diskussionsbiidreg[ändere | Quälltäxt bearbeite]

Wenn dini alti Unterschrift uff viile Site z seh isch, no müesch s alt Chonto widder aalege, sodass es niemer anderscht meh cha erstelle. D'Nutzer- un Diskussionssite wie au d'Untersite leite bi de Umbenännig scho automatisch uff de neu Namme witer, e Ammann cha si sperre. E Änderig vu de Signatuure durch e Bot wird grundsetzlig nit duuregfiehrt.

Groß- un Chleischriibig[ändere | Quälltäxt bearbeite]

Wenn numme d'Groß- un Chleischriibig uff de Nutzersite soll gändert were, no müesch d'Funktion {{DISPLAYTITLE:…}} verwände.