Hesso vu Hachberg

Us der alemannische Wikipedia, der freie Dialäkt-Enzyklopedy
Dialäkt: Undermarkgreflerisch

Dr Hesso vu Hachberg († 12. Mai 1410) isch vu 1386 bis 1410 Markgrof vu Bade-Hachberg gsi.

Läbe[ändere | Quälltäxt bearbeite]

Dr Hesso isch e Suhn vum Markgrof Heinrich IV. vu Bade-Hachberg un dr Anna vu Üsenberg gsi.

Zämme mit syym Brueder Johann isch dr Hesso anne 1386 Noofolger vu ihrem Brueder Otto I. wore, wu am 9. Juli 1386 in dr Schlacht bi Sempach gfallen isch un kei Chinder gha het. Si hän no im glyyche Johr e Deilig vum Erb veryybart, au dr Hachberger Stammsitz, d Hochburg, hän si ufdeilt, dr Johann het dr hinter Deil iberchuu, dr Hesso dr ober Deil.

Anne 1409 isch dr Johann gstorbe. Wel er keini Chinder gha het, isch syy Bsitz an syy Brueder Hesso gfalle, wu derno elai wyter regiert het.

Eh un Chinder[ändere | Quälltäxt bearbeite]

Dr Hesso het am 20. April 1381 z Herreberg d Margarete vu Dibenge ghyrote, e Dochter vum Konrad "em Scherer", Grof vu Dibenge. Si hän zämme fimf Chinder gha:

  • Heinrich V. († vor em 27. Dez. 1399) ∞ 17. Sep. 1390 Margareta Malterer, Dochter vum Martin Malterer un dr Anna vu Nellenburg
  • Otto II. († 1418), Markgrof vu Hachberg
  • Hesso II. († 1406)
  • Margarethe, ∞ 25. Juli 1405 Grof Friedrich IX. vu Leiningen († 1437)
  • Agnes († 2. Feb. 1425). ∞ I. Friedrich III., Grof vu Ortenburg († 28 Apr. 1418). ∞ II. 1419 Pankraz Ungnad, Pfleger z Bleiburg († 1441)

Literatur[ändere | Quälltäxt bearbeite]

Weblink[ändere | Quälltäxt bearbeite]