Herr Mannelig

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Herr Mannelig (oder au Herr Mannerlig) isch dr Titel von erä schwedische Ballade im mittelalterlige Stil. Si isch woorschinlig im 18. Joorhundert verfasst worde und isch 1877 im Druck erschiine.

Dr Inhalt[ändere | Quälltäxt bearbeite]

Das Lied git s in vile Variante, si Grundgschicht isch aber immer öbbe die gliichi. Es vezellt d Gschicht von erä verzwiiflete Trollin, won ä Mensch sii wet, für zum ihrer Existenz as Trollin wo si als Qual aluegt, z entcho. Si isch überzügt, ass si menschlig chönnt wärde, wenn ä Maa si wurd hürote. So macht si em Herrn Mannelig än Aadrag und verspricht im riichi Gschänk. Aber dä will nit, wil si, wien er sait, dr schlimmst Bärgtroll sig, wo vo Necke und Düüfel abstammi.

Uffüerige[ändere | Quälltäxt bearbeite]

D Ballade isch vo vile Künstler uf verschiidene Sproche gsunge worde. Die schwedisch Folkrockband Garmarna und die dütsche Mittelalterband Wolfenmond und In Extremo hai se uf Schwedisch ufgfüehrt, Des Koenigs Halunken uf Bärndütsch, s dütsche Klassik-Mittelalter-Metal-Orchester Haggard uf Italiänisch, die tschechischi Mittelalter-Folk-Band Psalteria uf Tschechisch. Es git au instrumentali Versione vo dr Bonner Mittelalterrock-Band Schelmisch und dr norwägische Ragnaroek.

Dä Artikel basiert uff ere fräie Übersetzig vum Artikel „Herr_Mannelig“ vu de dütsche Wikipedia.

E Liste vu de Autore un Versione isch do z finde.