Hermann III. von Baden

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Dr Markgrof Hermann III. vu Bade, gnännt dr Groß, (* um 1105; † 16. Jänner 1160) isch Markgrof vu Verona un Bade gsi.

Dr Hermann III. isch dr Suhn vum Hermann II. vu Bade un dr Judith vu Bagene gsi. Är isch vu 1130 bis 1160 dr Regänt vu dr Markgrofschaft Bade gsi.

Dr Hermann III. isch e dreje Gfolgsmann vu dr Staufer gsi un het wäge däm Stryt gha mit syyre Verwandtschaft, dr Zähriger. Anne 1140 het er mitgmacht bi dr Belagerig vu dr Burg Wyyberdrej un het derno d Ryychsvogtei Selz im Elsass iberchuu.

1151 isch d Markgrofschaft Verona, wu syt dr Schaffig vum Herzogtum Kärnte anne 976 unter dr Veraltig vu dr Kärntner Herzeg gsi isch, vum Chenig Konrad III. an dr Markgrof Hermann III. glehnt wore.

Us em Johr 1153 git s e Schänkigsurkund, wu dr Staufer Chenig Friedrich I. dr Hof Besge em Markgrof Hermann III. vu Bade verchauft het; des isch di erscht Nännig vu Besge.

Anne 1154 het er in dr Lombardei gchämpft un isch mit em Chaiser in dr Chrieg gege Mailand zoge. Dr Hermann III. isch au bim Zweete Chryzzug derbyy gsi un bi dr erschte Italiefäldzig vum Friedrich I. Barbarossa.

Ehene[ändere | Quälltäxt bearbeite]

Dr Markgrof Hermann het vor 1134 d Bertha vu Hochestaufe ghyrote († no 1162). In ere zwote Eh het er no 1141 d Maria vu Behme ghyrote, d Dochter vum Herzog Soběslav I.

Chinder:

  • Hermann († 13. September 1190); speter dr regiered Markgrof

Dr Hermann III. isch im Auguschtiner-Koorherrestift z Bagene begrabe.

Weblink[ändere | Quälltäxt bearbeite]

Vorgänger Amt Nochfolger
Hermann II. Markgrof vu Bade
1130–1160
Hermann IV.
Heinrich V. vu Kärnte Markgrof vu Verona
1151–1160


Dä Artikel basiert uff ere fräie Übersetzig vu dere Version vum Artikel „Hermann_III._von_Baden“ vu de dütsche Wikipedia.

E Liste vu de Autore un Versione isch do z finde.