Helmut Pfisterer

Dialäkt: Schwäbisch

A Porträtrelief vom Helmut Pfisterer mit seira Ondrschrift, gschaffa vo dr Stuegerter Bildhauere Eva Zippel aus Terrakotta em Jôhr 2000.

Dr Helmut Pfisterer (* 7. Februar 1931 z Leaberg em heidiga Landkreis Beblenga, † 13. Dezember 2010 z Stuegert) ischt em Hauptberuaf Lehrer gwäa; abr amma greeßera Kreis vo Leit ischt’r als schwäbischer Mundartdichter ond Heerschbiil-Autor bekannt wôrra.

Aus seim Leaba

Dr Helmut Pfisterer ischt 1931 en Leaberg uff d Welt komma. Wia-nr mit seira Schualausbildong ferdich gwäa ischt, hôt’r zerscht a Ausbildong zom Feinmechaniker gmacht. Schbätr ischt’r noh Ingenieur wôrra. Vo 1964 bis 1967 hôt’r als Beruafsschuallehrer em Ausland gschaffet, zerscht em Iran ond nôchher noh z Afghanischdan. Nôch dr Rickkehr en sei deitscha Hoimet ischt’r bis zo seira Pensioniirong Lehrer en Stuegert gwäa, wo-nrs zom Obrstudiarat brôcht hôt. En sellra Stadt hôt’r am 13. Dezembr 2010 seine Auga fir emmr gschlossa. Sei ledschda Ruha hôt’r uff-em Stuegerter Waldfriidhof gfonda.

A kloina Auswahl vo seine Werk

• Äcker uf am alde Meer, schwäbische Albgedicht
• En Himmel soll i? – En mei Hos will i nei!
• Scho emmer. Weltsprache schwäbisch
• Schwäbisch. Varianten einer Weltsprache
• Festvers
• Ooverdruggds
• Brauchvers für Feschd ond wo koine sen

Drzua noh isch dr Pfisterer Mitautor vo dr CD Scho gschwätzt gwäa ond hôt da Tekscht zo de Liadr Drei schwäbische Männerchör(l)e us-em Jôhr 1995 gschriiba, wo vom Wolfram Graf vrtont wôrra send.

Auszoichnonga

• 1991 hôt’r da Schubart-Literaturpreis kriagt
• 1994 isch-em s Bundesverdienstkreiz am Band vrliha wôrra
• 2002 hôt‘r d Sebastian-Sailer-Medaille vom Schwäbischa Albvorei kriagt

Weblink

• A Nôchruaf vo dr Maja Langdorff mit-ra Fodografii vom Autor
• A Nôchruaf vo de Kollega vom Stuegerter Schriftstellerhaus

Dä Artikel basiert uff ere fräie Übersetzig vum Artikel „Helmut_Pfisterer“ vu de dütsche Wikipedia. E Liste vu de Autore un Versione isch do z finde.