Hegau
De Hegau oder Heegi leit westlich vom Bodesee und östlich vom Rande, won er as Chleggi grenzt. Im Norde goot er bis zu de Donau und im Süüde werd er vom Rhii begrenzt. Die grööschte Ort sind Singe und am Bodesee Radolfzell. Früener het de Hegau mit Ausnahm vo de württembergische Exklave ufm Hohentwiel zu Bade khert.
Geologii[ändere]
De Heegi isch e vulkanisches Piet mit villne markante Vulkanchegel, wo verlöscht sind. Di vulkanischi Aktivität het i de Mitti vom Miozän agfange, da isch vor 14 Millione Joor und het im End vom Miozän vor 6 Millione Joor uufghört. I dere Zitt sind e Dotzet Vulkän entstande. I de Rissiisziit (vor 230-130 Tuusig Joor) hend d Gletscher d Berge abgschliffe und ene s hüttige Uussie ggee. Die höchste Vulkanchegel sind: Hohehöwe (848 m), Hohestoffel (844 m), Hohetwiel (686 m) und Hohekraye (644 m).
