Haussperling
| Spatz | ||||||||||
|---|---|---|---|---|---|---|---|---|---|---|
Spatz |
||||||||||
| Systematik | ||||||||||
|
||||||||||
| Wüsseschaftlige Name | ||||||||||
| Passer domesticus | ||||||||||
| (Linnaeus, 1758) | ||||||||||
| Underart | ||||||||||
|
domesticus-Gruppe
indicus-Gruppe
|
De Spatz (Passer domesticus; alemanischi Näme) isch e verbraitete Singvogel, wo i Mitteleuropa ganzjöörig isch und i de Alpe bis zonere Hööchi vo 2400 müM vorchunnt.
Inhaltsverzeichnis |
Uussie[ändere]
De Spatz het e bruuni Obersiite und e graui Undersiite. D Mandli hend dezue e schwarze Latz und e graui Chappe. Spatze wered 14 bis 16 cm grooss, hend e Spannwiiti vo 20 bis 22 cm und wöget 22 bis 32 Gramm.
Verbraitig[ändere]
De Spatz isch vermuetli uursprüngli i de Steppe im Orient haimisch gsii und het d Söömli vo Gräser gfresse. Er het sich früe an Mensch gwonet und isch mit de Uusbraitig vom Ackerbau em Mensch gfolget und het sich so öber Europa und Asie uusbraitet und zom Tail au öber Nordafrika. Ab de Mitti vom 19. Joorhundert isch er au i baidne Amerika, z Süüdafrika und z Australie haimisch wore.
De Spatz isch eng an Mensch bunde und chunnt nume i biwonte Sidlige und Buuerhööf vor. Werd en Ort verloo, verschwindt noch öppe drai Joor au de Spatz.
Lebeswiis[ändere]
De Spatz baut sis Nest i Höölene, gschützte Nische und Muurspalte oder Vogelhüsli. Spatze lebet i de Regle monogam und suechet nochem Tood vom Partner e neue Schatz. D Bruetziit got vom Mai bis in Augste. S Wiibli lait vier bis sechs Aier, wo vom Mandli und vom Wiibli uusbrüetet wered. Di Junge schlüüffet noch 10 bis 15 Taag und wered vo baidne Eltere gfüetteret.
Spatze lebet vo Söömli, Chörner und Insekte. Eri grööscht Find sind Chatze, Marder, Sperber und Wänneli.
Büecher[ändere]
- Heinz Staffelbach: Handbuch Schweizer Alpen; Bern 2008.ISBN 978-3-258-06895-4
- Stefan Ineichen (Hrsg.): Stadtfauna, 600 Tierarten der Stadt Zürich; Bern 2010; ISBN 978-3-258-07561-7
