Hausen am Albis
| Wappe | |
|---|---|
 |
|
| Basisdate | |
| Kanton: | Züri |
| Bezirk: | Affoltere |
| BFS-Nr.: | 0004 |
| PLZ: | 8915 |
| Koordinate: | 47.244998 n. Br. 8.534448 ö. L. |
| Höchi: | 611 m ü. M. |
| Flächi: | 13.64 km² |
| Iwohner: | 3.362 (31. Dezämber 2010) [1] |
| Website: | www.hausen.ch |
 Blick vo Kappel Richtig Huse |
|
| Karte | |
 |
|
Huuse am Albis (offiziell: Hausen am Albis) isch e Gmeind im Säuliamt im Kanton Züri, wo bis ins 1911i offiziell numme Hausen gheisse het. Wils aber in de Schwiiz noch en anderi Gmeind mit em Näme Huuse git, het d Gmeind de Zusatz am Albis übercho.
[ändere] Geographii
Huse ligt uf de Süüdsite vom Albis im Jonetal. Zu de Gmeind ghöre näbem Dorf Huuse au s Dorf Ebertswil und mehreri Wiler: Türle, Volleweid, Tüfebach, Hinter-, Mittel- und Oberalbis, Heisch, Husertal und Schweikhof. De Gmeindsbann umfasst e Flächi vo 13.64 km². De höschti Punkt isch uf 916 Meter ü.M., de tüfschti bi 532 Meter ü.M.
[ändere] Gschicht
S erschti Mol in ere Urkund erwähnt isch Huuse in de Form Huson im Johr 1242. De Wiler Heisch isch scho im 1184i s erschti Mol gnennt. De Ort hät ind ere Ziit de Freiherre vo Eschebach ghört, wo au s Chloschter Kappel gstiftet hei. Im 1309i hei si ihri Bsitzighe verlore, wil de Walther vo Eschebach beteiliget gsi isch, wo de Johann Parricida im 1308 z Windisch de König Albrecht ermordet hät. Huse isch unter d Herrschaft vo de Hallwyler cho, wo ihri Rächt im 1406i de Schtadt Züri abträte hei. In de Reformationsziit hät Huse, zäme mit em Chloschter Kappel, d Reformation aagnoh. De Adam Näf, wo bi de Schlacht bi Kappel am 11. Oktober 1531, wo sin Vater und au de Zwingli gfalle sind, s Zürcher Banner grettet hät, isch vom Huser Wiler Volleweid gsi.
[ändere] Weblink
Allmänd (Commons): Huuse am Albis — Witeri Mulitimediadateie zum Artikel
- Di offizielli Website vo de Gmeind Huuse am Albis
- Artikel Huuse am Albis im Historische Lexikon vo dr Schwiiz
