Hajdú-Bihar
Us der alemannische Wikipedia, der freie Dialäkt-Enzyklopedy
| Hajdú-Bihar | |
 |
 |
| Komitatssitz | Debrecen |
| Flächi | 6211 km² (4. Platz) |
| Ywohnerzahl | 543'800 Ywohner (2008, 4. Platz) |
| Bevölkerigsdichti | 87 Ywohner pro km² |
| Dialekt | Nordostdialäkt (Eszakkeleti nyelvjárások) |
| ISO-3166-2-Abchürzig | HU-HB |
Hajdú-Bihar (IPA: ['hɒjdu:,bihɒr]) isch de Namme vo me ostungarische Komitat. 'S gränzt an Rumänie und usserdem an di ungarische Komitat Szabolcs-Szatmár-Bereg, Borsod-Abaúj-Zemplén, Jász-Nagykun-Szolnok und Békés. De Komitatssitz heißt Debrecen.
Inhaltsverzeichnis |
[ändere] Geografy
Geografisch gseh isch s Komitat nit yheitlig, sondern zeigt Yflüss vo de Nochbergebiet. Im Nordoste lyge Usläufer vo de Sandhügel vo Nyírség (me Deil vo de Große Ungarische Diefebeni), im Weste isch s Land ehner flach. Sälle isch de größer Deil; de höchst Punkt litt im Norde uff 170,5, de diefst im Süde uff 85 Meter über em Meer. Sällewäg schynt s Land in Richtig Norde z styge.
Über Johrdausende hy isch s Land vo de Flüss und vom Wind gformt worre. Am Afang hät's e Binnesee gha, nochher ßin d Karpate durch e Bewegig vo de Kontinäntalplatte drygschobe worre. Durch Flüss vo de Karpate isch de See noch und noch verschwunde. Deno hät de Wind d Bärg züe Sandhügel verformt.
Di beide gröschte Flüss vom Komitat ßin d Theiß und de Körös.
[ändere] Gschicht
Im Johr 1950, noch em Zweite Wältchrieg, isch s Komitat uss de ehemolige Gebiet Hajdú und Bihar gründet worre.
[ändere] Infrastruktur
D Stroße 4, 33, 35, 42 und 47 fiehre durch s Komitat; mer cha's aber au über d Autobahn M3 erreiche, wo uff Debrecen fiehrt. Insgsamt hän d Stroße z Hajdú-Bihar e Längi vo 1511 Kilometer.
[ändere] Wirtschaft
'S Komitat hät di gröschti Agrarlandschaft vo ganz Ungarn, sällewäg hät d Landwirtschaft vyl Bedütig. Di drei gröschte Undernehme noch Ynahme ßin 2006 Friesland Hungária Kft, National Instruments Europe Kft. und KITE Mezőgazdasági Szólgáltató Zrt gßi (Platz uff de Liste für ganz Ungarn: 40, 43 bzw. 174).
[ändere] Gröschti Städt
Relativ gseh isch Hajdú-Bihar rächt dünn besydelt: 'S hät 19 Städt und 62 Dörfer. Ywohnermäßig am gröschte ßin:
| Stadt/Gmeind | Ywohner (1. Januar 2005) |
|---|---|
| Debrecen | 204.297 |
| Hajdúböszörmény | 32.208 |
| Hajdúszoboszló | 23.568 |
| Hajdúnánás | 18.124 |
| Balmazújváros | 18.026 |
| Berettyóújfalu | 15.854 |
| Püspökladány | 15.747 |
| Hajdúhadház | 13.069 |
| Hajdúsámson | 11.573 |
[ändere] Netzgleicher
| De Artikel Hajdú-Bihar basiert uff re freie Übersetzig vom Artikel Hajdú-Bihar County uss de Änglische Wikipedia. E Liste vo de Autore chasch dört alüege. |
|
E Liste vo de Autore findsch dört. |
