Gymnasium am Münsterplatz

Gymnasium am Münschderblatz
Gymnasium am Münschterblatz vom Basler Münschter us gseh
Schueltyp	Gymnasium
Adrässe	Gymnasium am Münsterplatz Münsterplatz 15 Postfach 4001 Basel
Gründigsjohr	1589
Schüelerzahl	~ 300
Lehrerzahl	~ 60
Bsundrigi Fächer	Latiinisch, Griechisch, Spanisch
Rektor	Eugen Krieger
Website	www.gmbasel.ch

S Gymnasium am Münschderblatz (früehner S Humanistische Gymnasium (HG), Pädagogium, Münschderschuel, Schuel uf Burg) isch s eltischte Gymnasium vo der Schdadt Basel und eins vo de eltischte vo der Schwiiz. Am 1. April 1529 het mit emä Beschluss vom Groosse Root d Schdadt d Bildig vo dr Chille übernoh; d Schuel isch aber erscht 1589 gründet worde. Si befindet sich am Münschderblatz, im Basler Münschder gegenüber. Im Schueljohr 2007/2008 si öbbe 300 Schüelere und Schüeler in fümf Klasseschduefe uf s Gymnasium gange. Dr neu Räkter vo der Schuel isch sit em Summer 2007 dr Eugen Krieger (* 1973).

Gschicht

D Schuel het in der Schdadt ä guete Ruef und isch zwüsche 1600 und 1900 eini vo de wichtigschte und bekanntischte Schuele im dütschschbroochige Ruum gsi. Dr Friedrich Nietzsche und dr Jacob Burckhardt si Lehrer gsi. Nume Buebe si do uf d Schuel gange und ihre Schwerpunggt si die alte Schbrooche gsi: Latiinisch, Griechisch und Hebräisch.

Vo 1930 a het d Schuel s Humanischdische Gymnasium (HG) gheisse. Sit 1968 dörfe au Maitli do lehre, und 1973 het die erschdi Schüelere d Matur beschdande. Sit dr kantonale Schuelreform vo 1997 heisst d Schuel Gymnasium am Münschderplatz. Hützudag cha mä näbem Latiinische und Griechische au Spanisch und PPP (Philosophie, Psychologie und Pädagogik) as Schwerpunggtfach uusläse.

Berüehmti Persönlikeite

Rektore

• Thomas Platter der Ältere (1499–1582), Humanischt
• Johann Bernoulli (1667–1748), Mathematiker
• Hans Gutzwiller (1913–1988), Altphilolog

Lehrer

• Alexandre Vinet (1797–1847), Theolog
• Christian Friedrich Schönbein (1799–1868), Chemiker
• Jacob Burckhardt (Lehrer und Schüeler, 1818–1897), Historiker
• Friedrich Nietzsche (1844–1900), Philosoph
• Beat Raaflaub (*1946), Dirigent
• Jennifer Rudin (*1978), Pianischtin, Sängere, Germanischtin

Schüeler

• Johann Rudolf Wettstein (1594–1666), Politiker
• Jakob Bernoulli (1655–1705), Mathematiker
• Daniel Bernoulli (1700–1782), Mathematiker
• Leonhard Euler (1707–1783), Mathematiker
• Johann Peter Hebel (1760–1826), Dichter
• Arnold Böcklin (1827–1901), Moler
• Carl Spitteler (1845–1927), Schriftschteller
• Alfred Dreyfus (1859–1935), ä französische Offizier (Dreyfus-Affäre)
• Carl Gustav Jung (1875–1961), Psycholog
• Hans Bernoulli (1876–1959), Architekt (Nationalroot)
• Hans-Peter Tschudi (1913–2002), Politiker (Regierigsrat z Basel, Bundesroot)
• Lukas Vischer (*1926), Theolog
• Hans Fünfschilling (*1940), Politiker (Regierungsrat Baselland, Schtänderoot)
• Thüring Bräm (*1944), Komponischt
• François Conod (*1945), Schriftschteller
• Moritz Leuenberger (*1946), Politiker (Bundesroot)
• Felix Gutzwiller (*1948), Politiker (Schtänderoot)
• Hans Martin Tschudi (*1951), Politiker (Regierigsroot z Basel)
• Rudolf Rechsteiner (*1958), Politiker (Nationalroot)
• Black Tiger (*1972), Rapper
• Nubya (*1974), Sängere
• Lukas Engelberger (*1975), Politiker

Weblingg

• Gymnasium am Münsterplatz

Dr Artikel basiert uf 'ra freie Ibersetzung vum Artikel „Gymnasium am Münsterplatz“ us dr dytsche Wikipedia.
E Lischte mit de dörtige Autore kasch dörte aluege