Gymnasium Liestal
| Gymnasium Liestal | |
|---|---|
| Schueltyp | Gymnasium |
| Adrässe | Gymnasium Liestal Friedensstrasse 20 Postfach 4410 Liestal |
| Gründigsjohr | 1970 |
| Schüelerzahl | ~ 1100 |
| Lehrerzahl | ~ 170 |
| Rektor | Thomas Rätz |
| Website | www.gymliestal.ch |
S Gymnasium Lieschtl isch s Gymnasium vo dr Region Lieschtl (BL) und het sis Iizugsgebiet in dä Bezirk Waldäburg, Sissach und teilwiis Lieschtl. Baut wordä isch es 1970. Es verfüägt momentan über rund 60 Schulzimmer, 24 drvoh sin im Momänt in Container unterbrocht, do im Schuälhus baut wird.
Inhaltsverzeichnis |
[ändere] Bau
S Gymnasium Lieschtl isch 1970 erbaut wordä, es wiist ganz typischi Merkmal uuf vo derä Ziit: em Brutalismus. Zum Bispiel die verschachtleti Bauwiis mit dä geometrischä Formä und dä nacktä Betonwänd ussä und innä.
Wo d Kapazitätä vom ursprünglichä Gebäude nümmä glängt hän, isch en Aabau mit 5 Schuelzimmer, Büros und em Kraftruum erstellt wordä. Au dr "Liechthof", dr jetztig Schuälrarbetsruum isch zu derä Ziit entstandä. Uf Grund vo no grösserem Platzmangel het mä dennä spöter no zwei Pavillons baut, sie beinhaltä insgesammt 11 Zimmer.
[ändere] Gebäudä hüttä
Grob cha mä s Gym in vier Träckt ufteilä: Dr fünfstöckigi Spezialltrakt (mit Zimmer für Bildnerischs Gstalltä, Chemie, Biologie und Physik), dr Klassäzimmertrakt (31 Zimmer für Fächer wie Mathematik, Dütsch u.s.w.), dr Trackt mit dä Musiggzimmer und dr Aula. Dennä git s no dr Turnhallätrakt mit zwei Sporthallä. Am Gymnasium Lieschtl giit s au ä Mensa.
[ändere] Saniärig
Siit em 2009 wird d Gebäudehüllä saniert und vo Asbest befreit. Diä Arbeitä sin im Klassä- und im Musiggtrakt bereits abgschlossä. Momentan isch dr Speziallzimmertrakt für dr Schuälbetrieb zwecks ebä denä Arbeitä gsperrt. Die wäggfalländä Zimmer sind durch Container-Schulzimmer ersetzt wordä. Vorussichtlich bis Ändi Schuljoohr 2010/11 wärdä d Schüäler no dörtä unterrichtet wärdä.
[ändere] Zuäkunft
Plant sin zwei neui Sporthallä im Beriich vo dä hüttigä Parkplätz.
[ändere] Laag
S Gymnasium Lieschtl ligt, wie s dr Namä scho sait in Lieschtl. Lieschtl ligt an dr Iimündig vom Fränkätaal ins Ergolztaal. Us denä beidä Täler stammä au ä Grossteil vo dr Schüälerschaft.
Als eini vo wenige Lieschtler Schuälä isch s Gym uf em'nä Hügl baut wordä: In dr Bodämattä, uf em Hügel linkerhand flussabwärts (Südsiitä vom Ergolztaal). Es git kei diräktä Aaschluss an ÖV, dr Bahnhof Lieschtl isch abr nit wiit äwäg.
[ändere] Schuälbetrieb
Momentan wärdä am Gym öppä 60 Klassä unterrichtet. Diä hochi Zahl kunnt dodurä zstand, dass im Gebäude au d Fachmaturitätsschuäl (FMS) unterbrocht isch. Die ungefähr 1'100 Schuäler chömmä hauptsächlich us dä Bezirk Sissach, Waldäburg und Lieschtl. Dä Schüäler stooht ä Bibliothek und ä Computerarbetsruum zur freiä Nutzig zu, ebäso en Arbetsruum und ä Kraft- und Gymnastikruum. S Gym Lieschtl wird vom'nä Räktr und fünf Konrektr(innä) gleität, in dr Bibliothek schaffä Bibliothekarinnä. Dr Unterricht wird vo rund 170 Lehrer erteilt.
Als eini vo dä letztä Schuälä in dr Schwiiz wird am Gym Lieschtl au am Samschtig Vormittag unterrichtet. Dr Grund dodrführ isch in erstr Liniä dr Platzmangel.
