Gwaggelibrugg

Us der alemannische Wikipedia, der freie Dialäkt-Enzyklopedy
D Gwaggelibrugg

D Gwaggelibrugg isch e Brugg für Fuessgänger zwüsche de Wettiger Chloschterhalbinsle und de Damsau reschpektiv de Chloschterrüti, wo zu de Gmeind Noiehof ghört. Bis im 1863 isch derte e Fähri über d Limmat gsi. D Gwaggelibrugg isch eini vo de älteschte Drahtseilbruggene vo de Schwiiz, wo bis hüt erhalte isch.

Entschtehig[ändere | Quälltäxt bearbeite]

De Johann Wild het im 1858i uf de Chloschterhalbinsle vo Wettige e Baumwollspinnerei ufbauet. Di Spinnerei isch schnell witer gwachse und de Wild het für sini Lüt Wohnruum in de Unmgebig gschaffe. Doderbi isch im 1863i in de Chloschterrüti es Choschthuus entschtande. Wil d Fähri nöd gäbig gsi isch, um d Arbeiterinne und Arbeiter vo de Chloschterrüti in d Spinnerei z bringe, het de Johann Wild d Gwaggelibrugg la baue.

De Name[ändere | Quälltäxt bearbeite]

D Gwaggelibrugg het ihren Name, wil si numme in de Querrichtig verschtiift isch, nöd aber längs. So schwankt si e chli, we mer duet drüber laufe. Am beschte merkt me des, wenn mehreri Persone druf laufed oder me mit schwere Laschte unterwägs isch.

Hütigi Konschtruktion[ändere | Quälltäxt bearbeite]

Im 1982i isch d Gwaggelibrugg ufwendig saniirt worde, wil mer si vor em Abriss het welle bewahre. D Gmeinde Wettige und Noiehof hei des es Johr vorher bschlosse gha. Um di alti Brugg z erhalte, aber gliichwohl en sicheri Brugg zha, het me e noii Tragkonschtruktion über die alti bauet.

Weblink[ändere | Quälltäxt bearbeite]

 Commons: Gwaggelibrugg – Sammlig vo Multimediadateie

Koordinate: 47° 27′ 17,8″ N, 8° 18′ 42,9″ O; CH1903: 665855 / 256383