Gruppe der zwanzig wichtigsten Industrie- und Schwellenländer

Gruppe vu dr zwanzg wichtigschte Induschtrii- un Schwelleländer

Gruppe vu dr zwanzg wichtigschte Induschtrii- un Schwelleländer (blau koloriert)

D Gruppe vu dr zwanzg wichtigschte Induschtrii- un Schwelleländer (G-20) isch e informälle Zämmeschluss vu 19 Staate un dr Europäische Union, wu s syter anne 1999 git. Si soll as Forum diene fir d Kooperation un Konsultation bi Froge vum internationale Finanzsyschtem.

An dr Dräffe vu dr G-20 nämme d Finanzminischter un Zentralbankchef vu dr G8 un vu elf wytere Staate deil, derzue EU-Bresidäntschaft (wänn die zue däm Zytpunkt nit vun eme G8-Staat gfiert wird), dr Bresidäntvu dr Europäische Zentralbank, dr Gschäftsfierend Diräkter (Managing Director) vum Internationale Währigsfond, dr Vorsitzer vum Internationale Währigs- un Finanzuusschuss (IMFC), dr Bresidänt vu dr Wältbank un dr Vorsitzer vum Development Committee vu Wältbank un Internationalem Währigsfond.

Wirtschaftligi Bedytig, Mitglider

In dr Staate, wu in dr Gruppe vu dr zwanzg wichtigschte Induschtrii- un Schwelleländer diräkt oder indiräkt verdrätte sin, dien zwei Drittelvu dr Wältbevelkerig rund 90 Brozänt vum wältwyte Bruttoinlandsprodukt (BIP) erwirtschafte un 80 Brozänt vum Wälthandel bstryte. Di glyychmäßiger regional un kulturäll Verdeilig vu dr Mitglider (dur di zämmegfasst europäisch Verdrättig) git dr G-20 e zuesätzligi Legitimation.

Land	Bevelkerig in Millione	Bevelkerig in Brozänt	BIP (Mrd. US-Dollar)	BIP ( Brozänt)	Region
Welt	6700,0	100,0	54620,0	100,0
USA	304,0	4,5	13840,0	25,3	amerikaAAngloamerika
Japan	127,2	1,9	4384,0	8,0	asieOOschtasie
Düütschland (DE)	82,4	1,3	3322,0	6,1	Europa
China	1330,0	19,9	3251,0	6,0	asieOOschtasie
Vereinigts Königriich (GB)	61,0	0,9	2773,0	5,1	Europa
Frankriich (FR)	64,0	1,0	2560,0	4,7	Europa
Italie (IT)	58,1	0,9	2105,0	3,9	Europa
Kanada	33,2	0,5	1432,0	2,6	amerikaAAngloamerika
Brasilie	196,4	2,9	1314,0	2,4	amerikaSLatynamerika
Russland Russland	140,7	2,1	1290,0	2,4	eurooEuropa / Asie
Indie	1148,0	17,1	1099,0	2,0	asieSSidasie
Südkorea	48,4	0,7	957,0	1,8	asieOOschtasie
Auschtralie	21,0	0,3	908,0	1,7	Ozeanie
Mexiko	110,0	1,6	893,4	1,6	amerikaSLatynamerika
Türkei (TR)	71,9	1,1	729,4	1,2	asieVEuropa / Vorderasie
Indonesie	237,5	3,5	432,9	0,8	asienSOSidoschtasie
Saudi-Arabie	28,1	0,4	376,0	0,7	asieVVorderasie
Südafrika	48,8	0,7	282,6	0,5	Afrika
Argentinie	40,5	0,6	260,0	0,5	amerikaSLatynamerika
Flagge von Europe Europäischi Union*	500,0	7,4	16830,1	31,0	Europa
G-20**	4385,7	65,5	48213,1	88,3
Bevölkerung am 1. Juli 2008, Bruttoinlandsprodukt im Jahr 2008 *Mit dr G-20-Mitglider DE, FR, GB, IT. **Summe vu alle Zyyle ußer DE, FR, GB, IT, weld Date vu däne in dr Zyyle Europäischi Union din sin.

Gschicht

In Reaktion uf d Asiekrise isch uf em Gipfel vu dr APEC-Länder im Novämber 1997 z Vancouver (Kanada) uf Initiative vum dodmolige US-Bresidänt Bill Clinton e au Willard Group gnännti Gruppe vu dr 22 bschlosse wore. Gegeniber dr hitige G-20 sin bi dr G-22-Staate zuesätzli Hongkong, Malaysia, Pole, Singapur un Thailand derbyy gsi, dergege hän di Europäisch Union, d Türkei un Saudi-Arabie gfählt. Im April 1998 het s erscht Dräffe vu dr G-22 z Washington stattgfunde.

Anne 1999 isch d Gruppe churzi Zyt zue dr G33 erwyteret wore, wu zwei Dräffe gha hän im Merz un April 1999. Scho im Septämber 1999 isch aber uf em Dräffe vu dr G8-Finanzminischter as Ersatz d G-20 in s Läbe gruefe wore. S erscht Dräffe het im Dezämber 1999 z Berlin stattgfunde.

Dräffe

Nr.	Jahr	Stadt	Land	Datum	Websyte
1	1999	Berlin	Düütschland	15./16.12.
2	2000	Montreal	Kanada
3	2001	Ottawa	Kanada
4	2002	Delhi	Indie
5	2003	Morelia	Mexiko
6	2004	Berlin	Düütschland
7	2005	Peking	China
8	2006	Melbourne	Auschtralie	18./19.11.
9	2007	Kapstadt	Südafrika
10	2008	São Paulo	Brasilie	08./09.11.
11	2008	Washington, DC	USA	15./16.11.
12	2009	London	Vereinigts Königriich	01./02.04.	[1]
13	2009	Pittsburgh, PA	USA	24./25.09.	[2]
14	2010	Toronto	Kanada	26./27.06.	[3]
15	2010	Seoul	Südkorea	11./12.11.	[4]

Kritik

D Legitimation wird zem Deil in Frog gstellt: d G-20 umgoht di internationale Organisatione vu dr UNO. Au ass d Bschliss vu dr G20 nit rächtli binde, wird kritisiert.

Weblink

 Allmänd (Commons): G20 – Sammlig vo witere Multimediadateie

• Abschlussdokument vum Gipfel 2009 mit Detail zue dr blante Regulierig vu dr Finanzmärt
• Offizielli Internetsyte vu dr G-20
• Uusgwehlti Wirtschaftsindikatore vum World Develompent Report 2006 vu dr Wältbank (änglisch, PDF-Datei)

Dä Artikel basiert uff ere fräie Übbersetzig vum Artikel „Gruppe_der_zwanzig_wichtigsten_Industrie-_und_Schwellenländer“ vu de dütsche Wikipedia. E Liste vu de Autore un Versione isch do z finde.