Grosser Sankt Bernhard

Dr Gross Sankt Bärnhard Bass

Dä Artikel behandlet dr Gross-Sankt-Bärnhard-Bass, d Stroossedunnel Gross-Sankt-Bärnhard findet man under Grosser-Sankt-Bernhard-Tunnel.

xx

Grosser Sankt Bernhard
Hospiz uf em Grosse St. Bärnhard
	Nord	Süd
Passhöchi	2.469 m
Region	Wallis, Schwiiz	Valle d'Aosta, Italie
Wasserscheide	Dranse d’Entremont → Dranse → Rhône	Dora Baltea → Po
Daalort	Sembrancher	Aosta
Usbau	Bassstrooss	Strada Statale 27 del Gran San Bernardo
Baut	1905
Wintersperri	Oktober–Mai
Gebirg	Walliser Alpe
Profil
Bärgwärtig	HC	HC
Ø-Stiigig	5,9 %x (1.752 m / 32 km)	6,2 %x (1.878 m / 24,4 km)
Charte
Koordinate	579288 / 7985545.877.17194444444442469

Dr Grooss Sankt Bärnhard (it. Colle del Gran San Bernardo, fr. Col du Grand Saint-Bernard) isch e Bass in de Walliser Alpe, und verbindet s Rhônedaal im Schwiizer Kanton Wallis uf ere Höchi vo 2.469 m mit em Aostadaal und mit dr italiänische Region Piemont.

Dr Bass isch scho in dr Zit vom römische Riich eine vo de wichdigste Übergäng gsi und uf dr Basshöchi isch e Tämpel gstande, wo dr Gott Poeninus verehrt worden isch. 1905 isch e befahrbari Strooss fertigbaut worde. Langi Zit isch het mä nume im Summer über e Bass chönne. Sit 1964 wird d Strecki s ganze Johr dur e 5,85 km langi Groossi-Sankt-Bärnhard-Dunnel abkürzt.

Um 1050 het dr Bärnhard vo Aosta uf dr Basshöchi s Hospiz uf em Grosse Sankt Bärnhard gründet, wo em Bass si Name gee het. Do het mä d Hunderasse Bernhardiner as Rettigshund für d Suechi noch Lawine-Opfer züchtet und vor allem dur e Barry, wo meh as vierzig Mensche s Läbe grettet söll ha, wältwit bekannt worden isch.

Am 14. Mai 1800 het do dr Napoléon Bonaparte d Alpe uf sim Zug uf Italie überquert. Ass au dr Hannibal d Alpe do überquert haig, haltet mä hüte für unwohrschiinlig. Vo 1940 bis in d 1990er Johr het dr Bass dr südwestlig Begränzigspunkt vom Schwiizer Reduit bildet, d Zuefahrtswäg uf dr Schwiizer Site si dorum mit Gländhinderniss und Sperrene gege potenzielli Aagrifer gsicheret gsi und hai zuesätzlig dur Artillerii chönne gsperrt wärde.

Galerii

• 

  Jacques-Louis David: Dr Napoléon Bonaparte überquert dr Grooss St. Bärnhard

Weblingg

 Allmänd (Commons): Grosser Sankt Bernhard – Sammlig vo witere Multimediadateie

• Artikel Grosser Sankt Bernhard (Pass) im Historische Lexikon vo dr Schwiiz
• Geografischi Lag
• Steigigsverheltniss us Richtig Sembrancher
• Steigigsverheltniss us Richtig Aostadaal