Griechische Kultur

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Mit griechischer Kultur mäint mä vilmol nume d Kultur vom antike Griecheland. Si isch uf dr griechische Halbinsle und de Insle in dr Egeis verbräitet gsi, uf dr Westküste vo Chläiasie (Ionie) und Süditalie (Magna Graecia), überall wo gröösseri Zaale vo Grieche gläbt häi. Spööter in dr hellenistische Zit häi d Fäldzüüg vom Alexander em Groosse s Iiflussgebiet vo dr griechische Kultur erwiteret uf s ptolemäische Egüpte mit dr Hauptstadt Alexandria, wo Athen as Kulturzentrum abglöst het, s seleukidische Sürie mit dr Hauptstadt Antiochia, bis aane zum Graeco-baktrische Riich und sogar bis zum Graeco-indische Riich.